Shillong, Iaiong 16: Ki bor sorkar kila pynjari ia ka korphiew ha baroh kawei ka nongbah Shillong ha dien ba la pynshisha ba la don ba ioh pang COVID-19 ha nongbah Shillong bad mynta ka sngi la pynlait naduh 9.00 baje mynstep haduh ka por 5.00 baje jan miet ban thied jingthied ki briew.
Ha kane ka jingpynlait ia ki briew ban thied jingthied mar bam mardih, ki briew ha la ki jong ki jong ki dong kila ia mih paidbah bad ieng lain ha khmat jong ki dukan ban ioh ia ki mar bam ha ryngkat ka jingpahara jong ki pulit bad don ki jaka ba ki bor shnong kila iarap ban peit ba ka dei ban don ka jingbut ryntih ia ka Social Distance kumba ka bthah da ka sorkar.
Hynrei ha bun ki jaka kum ha Madanriting la iohi ba ki paidbah kim bud ia kata ka social Distance kumba la bthah da ka sorkar ha kaba ki paidbah kila ia lum lymbrum ba kan long kum kaiew ka hat khlem da sgnap ia kaei kaba ki pulit kiba don ha katei ka jaka ki bthah.
Haba kren ha u SP News Agency bun na ki paidbah kim tip ba la shah ban plie dukan mynta ka sngi namar ki bor sorkar kila pyntip ia kane ha ka por shiteng synia, bun na ki paidbah ki pynpaw ba lada dei ban pynlait la dei ban pyntip paidbah ha ka por kaba biang kila pynsngew ban iatip paidbah.
