Shillong, Iaiong 18: Mynta ka sngi u Commissioner bad Secretary ka tnad ka koit ka khiah jong ka jylla u Sampath Kumar u la leit sha shnong Pomlakrai ban ia kynduh ia ki nongkit kam shnong ban pynsngewthuh ia ki ba ym dei ban syier hynrei ban don ka jingsngewlem.
Kane ka jingleit jong u Commissioner bad Secretary sha katei ka shnong ryngkat bad u BDO jong ka Mylliem Block ka long pynsngewthuh ia ki nongkit kam shnong ha kaba ia dei bad kane ka jingpang bad ban kyntu ia ki ba kim dei ban don kano kano ka jingsyier.
Ha kane ka jingiakynduh na ka liang jong u rangbah shnong u la pynpaw ia kaei kaba ka shnong kala shim ia ka rai ba kin ia treilang ryngkat bad ka iing ka sem ban kyrshan ia ki ha kun kane ka por ba ki ia kynduh ia kane ka jingeh.
