Shillong, Jymmang 05: Ki samla kiba don ha kylleng ki jylla jong ka dong shatei lam mih ngi kila sdang ban wan phai mynta ka sngi sha ka jylla Meghalaya bad kiba la poi mynta ka sngi ki long 284 ngut.
U Symbut myntri rangbah ka jylla u bah Prestone Tynsong u la iathuh ba kine kiba wan phai mynta ka sngi ki wan da ki kali kaba kila pynkhreh hi. Kiba la rung sha ka jylla mynta ka sngi ki long na Ratachera ki don 32 ngut, ba Byrnihat ki long 205 ngut, na Bajengdoba ki don 39 ngut bad na Titkrikilla 8 ngut.
Kiba kiba wan phai mynta ka sngi haba la test ia ki kim shym don kano kano ka tak jingshitom bad ia kine la shah ba kin leit sha la ki jong ki district sha ki jong ki ing ki sem bad ynda kila poi sha ki iing ki sem ki hap ban shong ha iing 14 sngi kane ymd ei tang u ne ka kaba wan phai hynrei baroh shi iing bad ka sorkar kan pynbiang ia ka bam na ka bynta ka iing ka sem.
U Symbut myntri rangbah u la iathuh ba ka kynhun kaba ar ka ban wan phai ka lah ban long la shai ka sngi da ki kali kiba la pynkhreh da ka sorkar, ia kane ka kynhun ban poi la shai ym pat lah ban tip katno ngut kin don baroh. La iathuh ba baroh kiba la register kila kot sha ka 3000 ngut ei ei tang na North East bad ban wanrah ia ki baroh kan shim por ar tiew ei ei.
Haba ia dei bad ka jingshim sample haduh mynta ka sngi ka long 1944 ngut bad 1822 ngut ki long Negative bad ki reslot kiba dang ap ki long 110 tylli. La pynshai ba baroh 10 ngut kito kiba la shitom mynshuwa mytna kila jem pura bad ia kawei kaba kila phah test biang mynta ka sngi dang ap ia ka report.
