Shillong, Jymmang 05: U Symbut Myntri Rangbah ka jylla u bah Prestone Tynsong mynta ka sngi u la pyntip ba iba shitom COVID-19 kaba ha dien dien ha ka test kaba la leh mynta ka sngi ruh kala paw biang Positive.
Na ka liang jong u myntri rangbah u la kyntu ia ki paidbah ba kin dei ban sngew syier namar kum kine kila don ruh ki jingjia ha kiwei ki jylla jong ka Ri India. La iathuh ba ia ka test kaba saw ym sa shim biang ha dien lai sngi katkum ki kyndon kiba la buh da ka tnad ka koit ka khiah jong ka sorkar pdeng bad ka World Health Organisation.
U Bah Prestone u la iathuh ruh ba u la ioh ia ki phone na ki samla kiba sahkut sha bar jong ka dong shatei lam mih ngi jong ka Ri Indai kiba la pyntip sha u ba kin nym wan phai sha iing ia mynta kin sah shuwa sha ki jaka kaba ki don namar ki sngewthuh ia ka jingeh ia ka jylla lada ki wan phai, ka jingeh ym tang ia ka sorkar hynrei wat ia ka iing ka sem jong ki ruh kum juh.
Na ka liang jong u Bah Prestone symbut myntri rangbah ka jylla u la ong ba “Nga ai ka jingkhublei kaba kyrpang ia kito ki samla kiba la pynpaw ia ka jingkloi jong ki ba kin nym wan phai iing namar ki sngewthuh ia ka jingeh kaba ka jylla kan ia kynduh bad kum juh ia ka iing ka sem”.
