Shillong, Jymmang 07: Ka sorkar kala shim ia ka rai mynta ka sngi ba ki paidbah jong ka jylla Meghalaya kiba sah kut sha bar jong ki jylla ka North East ban wan phai iing naduh sngi nyngkong ban wan kata ka long naduh ka 11/05/2020, la iathuh u symbut myntri rangbah ka jylla u bah Prestone Tynsong.
U Bah Tynsong, u la ong ba kito kiba lah ban wan phai hi da lade khlem da don kam ia ka jingiarap lem jong ka sorkar kiba don sha kiwei ki bynta jong ka Ri India lada ki don ka lat ban wan phai sha ka jylla ki la lah ban wan naduh kane ka sngi nyngkong ka ban wan.
Na ka liang jong u symbut myntri rangbah u la batai shai kdar ba kito kiba lah ban wan phai hi da lade ki hap ban pyntip sha ki Nodal Officer kiba ka sorkar kala buh ia ki bad ki hap ban but ryntih ia ki kyndon kiba la buh da ka sorkar khlem jingpynbakla.
Haba ia dei bad kito kiba ym lah ban wan phai hi ka sorkar kala ia kren bad ka tnad kam poh iing jong ka sorkar pdeng, ka tand pyniaid rel bad kum juh bad ka tand pyniaid liengsuin jong ka sorkar pdeng ban ia pynbeit kumno ban leh na ka bynta jong ki.
Na ka liang jong u mytnri rangbah ka jylla u Conrad K Sangma u la ia kren bad kitei ki tnad jong ka sorkar pdeng bad khamtam ka Railway Ministry bad ka tnad Civil Aviation Ministry ba kin pynbiang ia ka special train bad ia ka special plane na ka bynta ki briew jong ka jylla Meghalaya.
U Bah Tynsong u ka kren shai ba ia ka bai Train bad bai aeroplane ki hap ban siew hi da lade ka sorkar kan nym lah ban siew na ka bynta jong ki. La ong baing ba ka sorkar kan nym lah ban siew na ka bynta jong ki, hynrei ka sorkar kan iarap ba kin ioh ban wan phai sha la ki iing.
Haba ia dei bad ka jingwan phai jong ki samla kiba don ha North Eastern State u la ong ba haduh mynta ka sngi kila poi haduh 1680 ngut bad la antad ba hapoh kane ka sngi u blei baroh kila wan phai lut.
Haba ia dei bad kito kiba wanphai mynin ka sngi kiba pyni ia ka dak jingshitom la test ia ki mynta ka sngi da ka PCR Test bad baroh ki long Negative. U bah Prestone u la ong ba ka sorkar kala ai ja sha ia ki haba ki poi sha ki jaka sangeh.
La iathuh ba haduh mynta ka sngi la shim sample 2054 ngut kiba la test baroh ki long 1967 ngut bad kine ki long Negative, ki shiphew ngut kiba shitom mynshuwa kila koit pura bad ia kawei kaba dang sah kin sa shim biang ia ka sample ha ka sien kaba saw la shai ka sngi ban phah test biang. Ia mytna dang dang ia ki reslot ki long 75 tylli.
