Shillong, Jymmang 09: Ka sorkar mynta ka sngi kala shim ia ka rai ban dang pynjynsur shuh shuh ia ki kali ban iaid kyntup ia ki kali kamai bad kali jong ki riew shimet ha ka jylla baroh kawei lait noh hapoh ka nongbah Shillong.
U Bah Prestone u la pyntip ba la shah naduh sngi nyngkong ba ki kali kamai kin kamai noh 50% ha baroh kawei ka jylla laitnoh tang ka nongbah Shillong, ia ki kali jong ki riew shimet ruh la pynlait ba kin iaid 50% ha baroh kawei ka jylla lait noh hapoh ka nongbah Shillong.
La iathuh ba ka sorkar kala shim ia ka rai ba baroh ki jaid dukan ha ka jylla kin plie noh lait noh tang hapoh ka nongbah Shillong. Haba ia dei bad hapoh ka nongbah Shillong nalor ki dukan kiba la plie ha kine ki sngi kiba la dep ka sorkar kala shah ban plie ia ki dukan die khutia mutia bad kum juh ia ki dukan die tiar kali.
U Symbut Myntri Rangbah u la batai shai ba ia ka Iewduh bad ia ka iew khyndailad ka sorkar kam pat shah ban plie, kine ki ar tylli ki iew ki dang dei ban khang haduh ban da pynbna da kumwei pat. U Myntri u la ban biang ka Iewduh bad ka Iewkhyndailad kin dang hap ban khang.
