Shillong, Jymmang 10: Ka deputy Commissioner jong ka East Khasi Hills District kala p
yntip paidbah ban ailad ia ki paidbah ba kin leit ban siew ban tda ia ki jingdon kam ha iing ha sem na ka bynta kiba sah hapoh ka nongbah Shillong.
Kane ka long kum juh ia ki shnong ki thaw kiba hap hapoh jong ki Civil Sub Division Pynursla bad Sohra bad kiba hap hapoh jong ka C&RD Block kiba hap hapoh jong ka East Khasi Hills District ha kane ka por ba don ka jingkhang na ka sorkar pdeng kumba la hukum na ka tnad kam poh iing ha kaba ia dei bad kane ka khlam COBID-19 kaba don ha ka jylla bad ha ka Ri baroh kawei.
Ki kali kamai bad ki kali jong ki riew shimat ki ban iaid hapoh kane ka nongbah Shillong naduh ka 12/05/2020 haduh ka 16/05/2020 kata ka long naduh ka por 9.00 baje mynstep haduh ka por 4.00 baje jan miet. Ki dukan sam khaw ration bad kum juh ki dukan sam umphniang sharak.
Ki dukan kiba la ithuh na ka ophisa bad ia ki dukan hapoh kane ka nongbah Shillong la pynbun sha ka 2004 tylli bad 20 tylli ki kali ban die jingdie. Ki dukan jhur, dukan die jingbam kiba don hapoh kane ka nongbah Shillong. Ki dukan ba die ia ki jingbam ia ki jingri bad ki dukan kiba die tiar rep kiba la register bad ka sorkar kin plie ha kitei ki sngi.
Ki dukan kiban plie tang ar sngi kiba don hapoh jong kane ka nongbah Shillong ki long, kata ha ka 13/05/2020 bad ka 14/05/2020 naduh ka por 9.00 baje mynstep haduh ka por 4.00 baje jan miet, ki long, ki dukan die bad shna mobile, ki dukan die computer bad recharge mobile. Ki dukan stationary, ki jaka shna kali ba long marwei.
Ki dukan die tiar kali ki ban plie tang ha ka 13/05/2020, ki la kdew ha ka Anexture-I bad ki dukan die tiar kali ki ban plie tang ha ka 14/05/2020 kiba la kdew ha ka Anexture-J.
Ki dukan kin shnong kin plie san sngi lynter hapoh jong ka Pynursla, Sohra Civil Sub Division bad kiba hap hapoh jong ki C&RD Block kumba la pyntip lyngba ka tnad Political Department jong ka sorkar jylla. Ki dukan ki ban plie kan long ha ki shnong ki shnong ki dong ki dong.
Ki don ki dukan kyiad katto katne kiba la shah jied ba ki lah ban plie na ka bynta hynriew sngi hapoh jong ka East Khasi Hills District, katba kine ki dukan kiba hap ban plie man ka sngi ki long, ki dukan pharmacy kiba die khutia bad kiba die lang. Ki dukan die dawai ia ki jingri bad ki jaka sumar ia ki jingri. Ki petrol Pump, ki dukan ba shu leit ban ai ia ki jingbam. Ki karhana shna kali ia ki Trok ha ki surok bah ki jingtrei ba trei kam la jong, kiba shna light, shna pipe um, shna Komputer, ki misteri dieng.
Na ka liang jong ka Deputy Commissioner kala bthah ba baroh dei ban but ryntih ia ki jingbtah jong ka sorkar ba dei ban pyniajngai iwei na iwei ha ki jaka trei, ki dor bar shnong kin peit ba kan don ka jingbut ryntih ia ki kyndon kiba la buh. Ka jingdon ki mar ki mat ki biang ym dei ban khuslai. Na ka bynta ki nongdie lang bad ki nong wan die lang kan don pat da kawei ka jingpyntip tip.
