Shillong, Jymmang 14: Mynta ka sngi ka KSU Nongtrai Unit hapoh ka Jing ialam u samla Nowel Rapmai president ryn
gkat ka Jingdon lang ki dkhot ki la leit ia kynduh ia u officer in charge Jong ka police station Mawsynram u P Burma.
ka Jingleit kynduh ka long hadien ba ka seng ka la ioh ia ka jingujor na kawei ka long kmie ba uwei napdeng ki constable jong katei ka police station ki la ia kren khlem akor ia katei ka long kmie ba armet da kaba u pynmih ia ki kyntien “Armet ne laimet ruh ngin ym pyllait”.
Katkum ka Jingu jor jong katei ka long kmie ba ha ka 13 tarik Jymmang 2020 Kane ka long kmie ba armet ka mut ban leit phah sumar sha Shillong ha ryngkat ka NOC Lane ka Jingbit na u Rangbah shnong katei ka long kmie ka la thmu ban phah sumar Sha shillong.
Ynda la poi ha mawsynram ki pulit Jong katei ka police station ki la bad ia katei ka Kali ba ka longkmie ka shong kaba don ia u number ML 05 R 7300 da kaba ong ba Kim shah ban iaid ia unumber Kali ba kut ha u,” 0″ kata u even number ha ka Jingshisha Katkum ka order Jong ka Government of Meghalaya lymba ka political department ka ong ba ha ka sngi Wednesday ki Kali ba dei ban iaid ki dei ki even number kita ki dei kiba kut 0, 2, 4 ,8,.
kane ka jingleh Jong ki pulit kala pynlyngoh wat ia u rangbah shnong uba ai NOC iaka tei ka nongpang ban leit da katei ka kali ha kaba utei u pulit langrud u khlem shah bad hap ban wan phah shaw thymmai noh da kawei ka Kali hadien ba la ap daki bun kynta.
Naka Liang ka seng kala pyrem jur iaka Jing leh heh bad Jingleh don bor Jong ki pulit. Naka Liang ka seng ki sngew ban kyntu ruh iaki bor baha lor Kum u BDO ba dei peit iaki shnong hapoh ka mawsynram Block ban kyntu iaki rangbah shnong ban pynshai paidbah ha man la ki shnong ba kidei ban pynsngew paidbah khanang ba ki nongleit nong wan kin ym kulmar jingmut khamtam haka pang ka shitom.
Ka long ka jingeh iaki paidbah ba pang shitom Lada ki shah bat kumne kumba jia iaka long kmie kaba armet kaba hap ban shu puid lada ka pang ka mynsaw ha lynti mano ban bah khlieh. Ka seng ka buh ka jingkylli ruh ba kumno Kat u nongpyntrei kam iaki ain hynrei u khlem tip pat iaka jingbthah ja sorkar.
Na ka liang jong ka KSU ka sngewdei ban kyntu iaki bor ba dei peit ban shimkhia ia Kane khnang ba nangne shakhmat kan nym don Shuh ka jingshim kabu daki briew ka ain ka ban pynjynjar iaki paitbah nongleit nongwan.
La iathuh ruh ba na ka liang jong u OC ba dei peit ia ka Mawsynram Police Station ha kane ka jingiakynduh bad ki dkhot jong ka KSU u la pan map ia ka jingleh bakla jong u wei na ki pulit ka police station, kane ka long katkum ka kyrwoh bala phah da u samla Samborlang Shabong, General Secretary KSU Nongtrai Circle.
l
