New Delhi, Jymmang 17: Mynta ka sngi u Union Home secretary jong ka tnad kam poh iing ka sork
ar pdeng u la pynbna ba ia ka National Lockdown yn beteng haduh ka 31st Jymmang 2020. La phah ruh ia ki kyndon ba kin sdang ban trei kam naduh la shai ka sngi 18th Jymmang 2020.
Katkum ka National Disaster Management Authority, Act 2005 katkum ki jingpynbna kiba la pynmih ha ka 24/3/2020 bad 1/5/2020 la aibor ia ka National Executive Committee (NEC) kan shim ia ka lad ka lynti ban khanglad ia ka jingsaphriang ka khlam COVID-19.
U lamphang jong ka NEC katkum ka bor kaba la pynkup ha u u la shim ia ka rai ban pyntrei kam ia ka National Lockdown kaban trei kam naduh la shai ka sngi 18/5/2020 katkum ka kyndon kaba 10(20(I) jong ka National Disaster Management Act, 2005.
Katkum ka kyndon 6(2)(I) jong ka National Disaster Management Act, 2005, ka NDMA kala pynmih ia ka hukum ban btah ia ka NEC ban pyntrei kam ia ka National Lockdown ha baroh kawei ka Ri ban khanglad ia ka jingsaphriang ka khlam COVID-19 ha duh ka 31st Jymmang 2020.
Katkum ki kyndon kiba la kdew hangne la bthah ia baroh ki ministries jong ka sorkar pdeng bad kum juh ia ki sorkar jylla bad ki Union Territories ban kin pyntrei kam pyrkhing bha katkum ki kyndon kiba la bthah ban khanglad ia kane ka khlam COVID-19 haduh ka 31st Jymmang 2020.
