Shillong, Jymmang 19: Kane ka Kynhun “KA SUR U PAIDBAH KA BRI HYNIEWTREP” ka mih hadien ba ka Jylla Meghalaya ka la pynbna ba ym don shuh ba don ia u khniang jingpang Coronavirus hadien ba ki phra ngut na ka iing I (L) Dr. John Sailo Ryntathiang bad ki lai ngut kiwei pat kiba ha Civil Hospital (Covid Hospital) ki la lait na u Coronavirus.
Kumta, da ka jingkmen kaba khraw bad ka jingsngewnguh ka bakhraw tam ia u Blei Uba da ker kyrpang ia ngi kum ka Jaidbynriew barit-paid U bym shym la shah ia kane ka khlam kaba la sar ha ki Ri Bakhraw tam ka pyrthei ba kan ioh jaka ha kane ka Jylla jong ngi bad ha ka North East India hi baroh kawei lait noh ka Tripura bad Assam.
Halor kane ngi iohi ba kane ka jingpyllait jong u Blei na u Coronavirus kan iai long kumta dei ban phikir ia ki paradoh parasnam jong ngi kiba don shabar ka Jylla Meghalaya kumjuh kiwei pat ki jaidbynriew kiba la shong la sah hangne bad kiba dei ban wan phai sha la iing hadien ka ka khlam COVID 19 ka la khie buk wat ha Ri India ruh, kata, ka long ba ka lah ban jia ba na pdeng kine kiba dang dei ban wan phai ba ki la ioh ia une u jingpang COVID 19.
Kumta, ba ka jingkmen jong wat hadien ba la mad bun taiew ia ka Curfew bad Lockdown kan long kaba jop bad don jingmut, ngin pynkhlain ia ki Community Covid Management Committee (CCMC) kiba la thaw haman la ki Shnong da kawei-pa-kawei ka Dorbar Shnong hapoh ka jingpyniaid jong ki Block Development Officers da kaba iarap tynrong ia ka jingkit bakhia jong ki khamtam kito ki Community Covid Management Committee (CCMC) kiba la poi bun ki nongsah quarantine, da kaba leh kumne ngi buh ruh ia ka jingkyrpad ba ka Sorkar kan khang noh ia ka Home Quarantine.
Halor kane na ka Group ngi la ialum pisa na pdeng ki Member jong ka Group bad la jan dap Ar lak tyngka haduh mynta ka sngi 19.5.2020. Hynrei kane kan long aiu haba phai sha ka jingdonkam bym bit duh ha kine ki CCMC, kumta ngi KYRPAD ia phi kiba dang don ka lad ban noh synniang katba phi lah ei sha kane Fund da kaba thep ne Transfer ia ka jingiarap jong phi lyngba jong ngi Ka Sur U Paidbah ka Bri Hynniewtrep WhatsApp Group sha ki CCMC ba donkam kyrkieh ia ka jingiarap da kaba thep ne phah ia ki jingai jong phi sha kane ka Account No. 30035699049 IFC Code : SBIN0006729 Phone No. 9612154102 Name Rasting Lyngdoh Thabah, Treasurer jong ka Group.
Ai da ka bakmen namar long kumba long dei ka jingsumar u Blei, lada phim ai kum ha kane ka por, lano pat phin ai? Ia ki kyrteng jong phi baroh ki ban noh synniang sha kane ka jingiarap ngin da buh nam buh burom bad kan da paw ruh ha ki Kotkhubor ban tip paidbah katno ka pisa ka la rung sha ka Fund bad shano bad katno ngi ai kan long kaba shai kdar.
Ngin ym phah iano iano ruh ban leit lum ia ka pisa jingiarap, thep ne transfer tang ha katei ka Account No. ba la ai haneng kaba dei jong u Treasurer jong ngi Bah Rasting Lyngdoh Thabah. Ngin phah ia ki nonglum na ka Group tang lada phi kwah ba kin wan da kaba phone sha kine ki mobile no. 9612154102 Bah Rasting Thabah, Treasurer, 9436117184 Bah H.S.Shylla, Chairman, 7630091170 Bah Egenststar Kukalang, Secretary, 9436104622 Bah Boldness L. Nongum, Vice-Chairman. Khublei.
