Shillong, Jymmang 19: Ki briew kiba ba buh dukan ha ki shnong bapher bapher hapoh jong ka East Khasi hills District ki dang ia kynduh ia ki jingeh ha kaba wan thied jingthied na Shillong namar ba ki bor sorkar ki dang pynlait tang shisngi ia ki nongkyndong.
Ki bor sorkar kila pynlait ba ki briew kiba don dukan sha ki nongkyndong ba kin wan thied jingthied tang ha ka sngi nungkong na ka bynta ka East Khasi hills District bad ia kiwei ki District kum ka Ri Bhoi, West Khasi Hills bad Jiantia Hills la shah tang ha ka sngi ba Ar.
Haba U SP News u la ia kren bad ki ba bin ki briew kiba la wan thied jingthied na Shillong kila pynpaw ba lada ka sorkar ka ai lad noh ar sngi kan iarap ia ki ban ioh ban thied ia ki mar jingdon kam ha ki shnong ki thaw, ha ka juh ka por haduh mynta ka jingai jingbit ia ki dukan ha ki nongkyndong ki dang neh ki juh khlem pat don ka jingpynkiew.
Kiba bun kila pynsngew ba ka sorkar kala dei ban pynbun shuh shuh ban ai jingbit ia ki dukan ha ki shnong bapher bapher khnang ba kan nym don kano kano ka jingeh ia ki paidbah ha kaba ki kwah ban thied ia ki jingdon kam jong ki ha ki iew nongyndong.
Na ka liang jong ki nong dei lang kila pynpaw ba ki marbam kham kim duna shuh ha iew hyrnei na ka liang jong ka sorkar haduh mynta ka dang ai slip ia ki briew ban thied jingthied kane ruh ka dang buh jingeh ia ki nongshong dukan ha ki shnong nongkyndong.
