Shillong, Jymmang 22: Ka KSU jong ka South West Khasi Hills District kala dap da ka jingsngewlyngoh ban tip ba ka shnong Mawphansaw kala shong dum mynta la hynreiw bnai bad ka shnong Nongmluh kala shong dum la san bnai tang na ka daw ba duh ki Transformer.
Ka KSU Nongmluh kala ong ba kane ka jingshong dum hapoh kane ka shnong kala long naduh u Naiwieng jong u snem 2019 haduh mynta bad kala pynkyndit shuh shuh ka long ba ka MeECL haduh mynta kam pat kit ia u transformer ba la sniew na katei ka shnong ban ioh bujli da u wei pat la san bnai mynta.
Kum kane ka jingjia ka long ruh ka shnong Mawphansaw ha kaba kane ka shnong kala shong dum mynta la hynriew bnai, na ka liang jong ka MeECL kala dep kit ia u Transformer bala siew mynta la hynriew bnai hynrei kam pat lah ban ai bujli da u wei pat haduh mynta.
Namar ka jingshong dum jong kitei ki ar tylli ki shnong na ka liang jong ka KSU kala leit ban ia kynduh ia u SDO jong ka MeECL ba don ha Mawkyrwat. Ha kane ka jingiakynduh na ka liang jong u SDO jong ka MeECL u la iathuh ba u Transformer jong ka shnong Mawphansaw u la poi ha Mawkyrwat.
Haba ia dei pat bad ka shnong Nongmluh u SDO u la ong ba tang ia u Transformer ba siew ruh kim pat leit ban shim ia katei ka shnong. Ha kane ka jingiakynduh na ka liang jong ka KSU kala sngewdiaw shisha ban ioh sngew na kane ka jingiathuh jong u SDO ka MeECL ba dei peit ia ka thain Mawkyrwat namar san bnai kala iaid ia u Transformer bala sniew ym pat lah ban leit kit.
Na ka liang jong ka seng KSU ka kyntu ia u MLA bad u MDC ban tuklar lem ia kane ka kam khnang ba ki paidbah nongshnogn shnong ka Mawphansaw bad ka Nongmluh kin ioh biang ia ka bor ding ilektrik, kane ka long katkum ka kyrwoh kaba la phah da u samla Adamanstar Syrman President KSU Nongmluh Unit.
