Shillong, Jylliew 02: Ka HYC Mawsynram Circle ha ryngkat ka jingiatreilang bad ka Mawkasain Unit ka la ioh ban hiar sha ka shnong Mawkasain bad Mawrapad ban kner ia ka kti jong ka jingiarap kaba da u khaw sha kito ki long ing kiba la shah ktah ha kane ka jingpakhang kaba don ha ka ri India baroh kawei.
Ha kane ka sngi kaba ka seng HYC kala noh ia ka jingiarap la don lang ki nongialam jong ka seng bad ki nongkit kam shnong. Ha kane ka sngi la ioh ban sam ia u khaw uba mar 5 kilo tam sha kum ba 43 tylli ki ing kiba na ki tei ki ar tylli ki shnong kiba ia kynduh ia ki jingeh ha kane ka por ba don kane ka jingpakhang.
Shuwa ban ai ia kane ka jingiarap la la ioh ia ka jingkren na u rangbah shnong Mawrapad u Bah Kyrmen Shangdiar bad na u Bah Wankitboklang Syiemlieh Assistant General Secretary jong ka HYC ka shnat Mawsynram.
Ia ka jingduwai la pyndep da u bah Bakstarwell Shylla u ba dei u wei na ki dkhot jong ka seng HYC na ka shnong Mawkasain. Kane ka long katkum ka kyrwoh kaba la phah da u bah Wankitboklang Syiemlieh jong ka HYC Mawsynram.
