Shillong, Jylliew 12: U Symbut Myntri Rangbah ka jylla u bah Prestone Tynsong u la ong ba kito kiba pynklumar ki dei ki kunda, ki khlem kam ka ain kan sa leh ia kaba don kam. La aiti sha ki DC bad ki SP ban peit ba kan ain kan leh ia kaba don kam kat ia kiba pynklumar.
Haba jubab ia ki jingkylli u Symbut Myntri Rangbah ka jylla u bah Tynsong, u la ong kino kino kiba leh ia ki kam runar ka ain kan sa leh ia kaba don kam ban pynshitom ia ki katkum ka ain, kin nym lah lait na ka kti jong ka ain.
U Symbut Myntri rangbah u la ong ba ki paidbah nongshong shnong ki seng bhalang kila ia trei lang bad ka sorkar ha kane ka jingiakhun pyrshah ban ia da ia kane ka khlam COVID-19, hynrei kila don kato katne ki ‘lang iong kiba la pynklumar bad ka ain kan nym map ia ki ka ain kan leh ia kaba don kam.
Haba kylli ia ka jingwan rung jong ki briew sha kane ka jylla, na ka liang jong u bah Tynsong u la ong ba haduh mynta ka jingiarung ia mih ki briew sha kane ka jylla ka dang khang, kiba wan rung dei tang kito kiba wan kit ia ki marbam mardih ka sorkar kam pat shah ia ki briew ba kin ia rung ia mih.
Haba ia dei bad ka jingjia sha ki thain Mawkyrwat u la ong ba ki briew ki dei jong ka kompnei NHDICL kiba pyntrei ia ka surok na Ranikor sha Baghmara kane ka jingtrei kala iaid, u Symbut Myntri Rangbah u la ong ba ka jylla ka don kam ia ki ym ba ki don kam, lada jia ba ki mih noh ka jingduh kan long ia ka jylla.
U Symbut Myntri Rangbah u la maham tyngeh ruh ia kito kiba pyrshang ban pynsaphriang ia ki khubor lamler ha kaba ia dei bad kane ka jingpang COVID-19 ka sorkar kala bthah ia ki bor ba dei peit ban kem bad ban pynshitom ia ki katkum ka ain.
