Shillong, Jylliew 23: Ka shnong Nongjri kaba hap hapoh jong ka South West Khasi Hills District kala thaw ia ka “Nongjri Rangbah Shnong Relief Found” bad lyngba kane ka lynti kala ioh ban sam khaw sha ki 30 ngut ki nongbylla kiba la sah kut ha Nongjri.
U Bah Mighter N Marwein Rangbah shnong bad u bah Badonboklang Shylla General Secretary kila iathuh ba ha kane ka jingsam ia u khaw sha ki 30 ngut ki nongbylla kiba sahkut ha Nongjri ka long 25 kilo marwei u khaw, Dai mar shikilo, phan mar ar kilo bad ka umphniang shiteng litter.
Ia kane ka jingsam la leh da ka Executive Committee jong ka dorbar shnong Nongjri, kane ka rai kaba ka dorbar shnong kala leh ka long ban iarap ia ki briew kiba duk ba kyrduh kiba sahkut hapoh katei ka shnong ba kin lait na ka jinghiran.
Kane kan dei ka sien kaba nyngkong na pdeng ki shnong kiba la lah ban ai jingiarap ia ki nongbylla kiba la sah kut ha ki jaka bylla ha kaba kum ka shnong kala ai khaw ha kum kane ka por ba ki ia kynduh ia ka jingeh.
