Shillong, Jylliew 27: U Chief secretary jong ka jylla u M S Roa bad ka Deputy Commissioner jong ka East Khasi Hills District kila buh ban wan jurip naduh Sani Mandir na Khyndailad haduh Motphran hynrei la pynpep noh na ka daw jong ka jingjur palat u slap.
Kane ka jingpyntip u Chief secretary ban wan jurip ia kine ki jaka ka long halor ka jingthoh jong ki hynriew tylli ki dorbar shnong kiba don syndah bad ka Iewduh bad die kine ki jaka ba la bun palat ki nongdie madan.
Na ka daw jong ka jinglong ka suin bneng ba jur palat u slap na ka liang jong u Chief Secretary u la pynsangeh noh ia kane ka jingwan jurip ia kine ki jaka mynta ka sngi, ia kane ka jingthmu ban wan jurip la pyntip ruh sha ka lyngpung jong ki hynriew shnong kiba la pyrshah ban nym pat shah iaki nongdie madan.
Ha kawei pat ka jingjia na ka daw jong ka jingjur palat jong u slap mynta ka sngi kala wanrah ia ka jingshlem um ha Jumnorlane kaba don ha Laban bad ha kane ka jingshlei um ki briew jong ka Disaster management kila pynkhuid ia ki jhkhlai bas ah kut ban pynlait na ka jingtuid ka um sha surok.
