Shillong, Jylliew 27: U bah Titosstarwell Chyne Chief Execytuve Member jong ka KHADC haba kren ha ka jingrakhe ia ka jingdap 68 snem jong ka District Council u la ong ba ka Sixth Schedule ka dei ka ban iada ia ki rit paid, ym ia ki heh paid.
“ Bara bor nga juh ong ia kine ki kyntien baka Sixth Schedule, ka dei ka ban iada ia ngi, ka jaidbynriew kaba rit paid, kam dei ban long ba kane ka Institution kaba ngi ioh, kam dei ban long ka jaka kaba ngin iada pat ia kiwei ki heh paid” la ong u Bah Titosstarwell CEM ka KHADC.
U CEM jong ka KHADC u la kren bynniaw ruh ha kaba u la ong “ Nga i ka trend ka iaid, haba ngi ia shong hapoh kane ka Council, i kumba ngi don ban iada ia kiwei pat ki jaidbynriew, hynrei nga kwah ban kren da kaba shai ba kane ka institution kaba la buh khnang ban iada ia ngi na ka jingwan thombor da ki briew kiba heh paid khnang ba ka riti dustur jong ngi kan neh ha kine ki rilum kiba ieit ki jong ngi, kata ka dei ka jingthmu jong ka District Council”.
U Bah TW Chyne u la ong ba ha kine ki sngi kala don ka jingiatai ka jingiakren ba ym don kam District Council shuh, ka don kata ka jingiakren ki don kiba kren kumta ruh, baleh aiu kato ka District Council, hynrei na ka liang u CEM u la ong ba don kam ia ka District Council.
U CEM u la ong ba ka shong ha ki nongmih khmat kiba la shah jied ban wan ha kane ka iing dorbar aiu ba kin leh ha ka jingkren u bah Chales Marngar MDC ka Mawhati u la ong ha ban kylli “aiu ngin leh na ka bynta ka Ri, Hynrei ngi ruh ngi hap ban kylli aiu ngin leh na ka bynta ka Council” kumno ban pynkhlain ia ki ain, ki rule kiba la ioh bor na ka Sixth Schedule.
Na ka liang jong u CEm u la ong ba ka jingkynmaw ia kane ka sngi kan long ka sngi ka ban dang ai mynsiem kum ki nongmih khmat ba nangne sha khmat ban dang pynkhlain shuh shuh ia ka waitlam kaba la don ha kti.
U CEM u la ong “ba balei ki paidbah kila ngiah ia ka District Council dei ma ngi ki MDC kiba la pynlong kmai ia ka District Council, la pynlong ia kumba la ong bara bor ki paidbah kata ka KHADC ka Hall Ak Drama ki MDC kiba la ia ak komik ka long ka jaka ialeh kai, hynrei kyrmen ba ki MDC kiba mynta kin dang pynkhlain shuh shuh ia ka District Council”.
La ong ba ka District Council ka don ia ki lai tylli ki Mawbyrsiew, ka Executive, Legislative bad ka Judiciary. U la pynkynmaw ruh ba ha dien ba la ioh ia ka jinglait luid ka Ri India, ki don ar kynhun kawei ka ong ba ymdei ban ia soh bad ka Ri India, Kawei pat ka kynhun ka ong ban iasoh bad ka Ri India, hynrei ka long dien hap ban pdiang ia kaei kaba la jia.
