Shillong, Naitung 05: Kat sha ba phai ha ki shnong nongkyndong dang bun bah byllai ki iing kiba dang sop da u Traw ha ki nongkyndong hapoh ka jylla Meghalaya, ka jingkylli kaba mih ka long balei?.
Hapoh ka jylla Meghalaya dang don bun bah ia iing ki sem kiba dang hap ban shaniah ha u Traw ban sop iing bad tap iing, ka jingkylli kaba bun ki paidbah ki jylla ka long kaei kaba la pynlong ia kine ki long iing ban nym ioh ia ka tin sop iing na ki MLA kiba la juh sam tin man ka por.
Kine ki long iing kiba sop bad tap iing da u phlang ki dei ki long iing kiba duk bad bun ki dei kiba don ia ka BPL Card ha kaba la niew ia ki kiba duk na kiba duk tam hapoh jong ki shnong ki thaw, ka jingkylli ka long balei kum kine ki iing ki dang don bun ha kane ka jylla Meghalaya.
Ka tnad sha iing jong ka sorkar jylla ka don ia ka jingkhein katno tylli ki long iing kiba don kam ia ki tip sop iing bad ha man la ki District ka don ia ki District Housing Officer ban peit ia kane ka kam, hato ka sorkar Meghalaya ka don ia ka thong lano ki paidbah nongshong shnong ha ki nongkyndon kin ioh ia ki iing ki ban sop da ka tin.
Katkum ka thong kaba la buh da kane ka sorkar pdeng kaba mynta hapoh ka jingialam jong u Narendra Modi kum u myntri rangbah duh jong ka ri India ka long ba ha u snem 2022 baroh ki briew ha ki nongkyndong kin don ia la ka jong ka iing sah.
