Jowai, Naitung 06: Ka seng Federation of Khasi Jaintia and Garo Peoples jong ka War Jaintia Circle ka la ioh ban pynthymmai ia ki nongkitkam jong ka ha ka jingialang kaba la long ha Dawki Community Hall ha ka sngi thohding mynta u bnai, ha ka jingiadon lang ki riew rangbah ka thain.
Ha kane ka jingialang la pyniaid da u bah Reachingson Kongwang u ba la ai jingkren ba ka seng ka dang im haduh mynta hapoh ka thain namar shibun ki kam radbah kiba ka la leh ha ki por ba la dep bad ki paitbah hi ki dang kwah sa shisien ba kane ka seng kaba don ki nongialam kiba tbit ha ka District bad sha Central Body ruh , ba kan khi im biang sa shisien ba trei kham bha bad kham janai na ka bynta ki paitbah ka war jaintia.
Ki nongialam na ka Central body kiba kynthup ia u bah Dondee Khongsit iba long I General Secretary ka sengkmie, u bah Kitbok Nongphlang Chief Organising Secretary, I bah Brigtstar Agricultural Secretary Sengkmie ki la hiar sha kane ka thain ban pyntian smai ia ki nongkitkam thymmai ka seng.
Kumjuh ruh ki nongialam ka seng napoh District kiba kynthup u bah Tuesday Lytep u ba long u President ka District, Bah Ricky Shylla General Secretary ka District, Bah Damian S War u ba long u organizing Secretary ka District bad I bah Marhok Marboh Vice President ka District ki la wan don ryngkat lang ha kane ka sngi.
Kiwei pat ki riew rangbah kiba la iadon ryngkat lang ha kane ka sngi, kynthup ia u bah Alphonsius Khonglah u ba la long u nonghikai u la ai jingkren jingsneng jingkraw ia ki nongkitkakathymmai kane ka seng ban ri la ka akor ka burom, ban trei hok ia ka kam.
U nongialam barim kane ka seng u bah Lasting Lamin Gadew , u president ka seng HNYF Southern Riwar Border Circle u bah Tarzon Lymba bad kumjuh ruh u bah Stelin Mukhim Secretary Dorbar Shnong Padu ki la don ryngkat lang ha kane ka jingialang mynta ka sngi.
La ioh ruh ban kynmaw donburom ia u Presedent barim ka seng ,bah Polestar Syngkrem bai kwai ha dwar u Blei u ba la noh synniang shibun ia ka por ha ka jingim jong u ban trei shitom ban rat diengkhong ia ka jingsahdien ka thain.
U bah Tuesday Lytep u la kyntu ia ki nongkitkam thymmai ba kin long kiba shlur kum ki nongialam kiba mynshuwa ban trei borbah kum ki samla ka lawei baphyrnai ka thain war jaintia u bah Kitbok Nongphlang u la ai jingkren maitohang na ka bynta ka seng ba ki nongialam ka seng ki lah ban kylla hynrei ka Seng ka iai im na ka por sha ka por namar ba ka don k nongrim kaba skhem ban trei borbah na ka bynta ka jaitbynriew hi baroh kawei.
U bah Dondee Khongsit u la pyndep ia ka jingpyntian smai ia kine ki nongkitkam ba thymmai ka FKJGP-War Jaintia Circle kiba kynthup ia u President- Bah Shlur Mukhim, Vice President- Bah Phyrnai Lymba, General Secretary-Bah Reachingson Kongwang, Asst Gen.Secretary bad ia kiwei de ki nongkti kam ka seng.
Haka jingkren u bah Reachingson Kongwang u la ong ba ka Seng ka la lah ban trei shibun ki kam ha ki por ba lah dep naduh ka jingjop ban ialeh ia ka jingshah seituh ka pisa ki paitbah ha ka bank SBI Amlarem, ka jingkyrshan ban ai tuition ei ia ki Khun ki kti ki kmie ki kpa kiba wan na kj longing baduk, ka jingialeh ban pynbha ia ka koit ka khiah hapoh war jaintia.
Ka jingialeh na ka jingdkoh treikam ka tnat borbing bad kumjuh ruh ka umbam umdih ki paitbah ka thain. Ine I nongialam bathymmai kane ka Seng I la ong ba sa shisien pat kin pyntikna ba kane ka Seng kan ai ia ka jingshakri kaba bha sha ki paitbah ka thain bad ruh kan tur shaphrang ia ki rai eh rai dam na ka bynta ban rat diengkhong ia ki jingeh ki paitbah bad ban rah ia ka nam ka burom ka thain war jaintia baroh kawei. La ong u bah Shlur Mukhim-President bad Bah Reachingson Kongwang general secretary ka seng FKJGP shnat War Jaintia.
