Shillong, Naitung 08: U Myntri Rangbah ka jylla u la pyntip ba mynta ka sngi la test COVID-19 Positive saw ngut ha ka jylla, lai ngut ki dei ki shipai BSF bad uwei u dei na ka jylla Tripura ba wan sumar hapoh NEIGRIHMS.
Da ka jingtest COVID-19 Positive ia kine ki saw ngut baroh kiba shitom hapoh ka jylla Meghalaya kila kot sha ka 54 ngut, kiba la koit ki long 43 ngut haduh mynta ka sngi, kane ka long katkum ka jingpyntip u myntri rangbah mynta ka sngi lyngba ka Twitter.
Kitei ki shipai BSF ki dei kiba la don lypa hapoh ka Quarantine bad u ba na jylla Tripura u dei ban wan sumar hapoh NEIGRIHMS u ba la don ka jingshitom bad haba la test hapoh Hospital la shem ba u long COVID-19 positive.
