Shillong, Naitung 13: U myntri ka tnad ka koit ka khiah u Bah A L Hek ula iathuh ba mynta ka sngi kiba la test COVID-19 positive mynta ka sngi ki long 12 ngut, 10 ngut ki BSF bad ar ngut na NEIGRIHMS baroh kiba shitom ki long 270 ngut kiba la koit ki long 46 ngut.
Kiba shitom, Ha East Khasi Hills District ki long 236 ngut, na kine 182 ngut ki BSF, 2 ngut ki Air Force, kiwei pat ki long 52 ngut. Ri Bhoi District 19 ngut, North Carolina Hills 1, East Garo Hills 1, South Garo Hills 2 ngut, West Garo Hills 9 ngut bad East Jaintia Hills 2 ngut.
U myntri ka tnad ka koit ka khiah u kyrpad ia ki paidbah bad ia ki bor pyniaid shnong ba burom ia ki nongtrei ha ki Hospital, namar ki Hospital Kim juh phah ia ki nongtrei khlem da peitbha ia ka koit ka khiah jong ki.
U myntri ka sorkar jylla u bah Hek, u la ong ba ka sorkar bad ki bor ba dei peit ia ka NEIGRIHMS ki ai khublei kyrpang ia ka shong Mawkasiang ka ba la kloi ban pdiang ia ki nongtrei ka NEIGRIHMS ba kin sah hapoh katei ka shnong.
Kiba la test COVID-19 positive mynta ka sngi 12 ngut, 10 ngut dei ki shipai BSF bad 2 ngut na NEIGRIHMS. La iathuh ba ar ngut kiba shitom COVID-19 kiba sumar ha Civil Hospital Shillong la pynkynriah noh sha NEIGRIHMS namar ba kila kham shitom mynta ka miet la pyntip u Director ka tnad ka koit ka khiah u Dr A War.
