Shillong, Jylliew 21: U Professor Ken Gnanakan chancellor jong ka William Carey University u la ong ba “ Ngim pat juh kam ba ngi la ioh ia ka jingithuh na ka University Grant Commissionm, naka liang jong ka university ngi la thoh sha ka UGC ba kan phah ia ki briew jong ka ban wan jurip”.
Haba kren ha ki nongthoh khubor mynta ka sngi u la ong ba u Lat kajylla u dei u “ Visitor” jong ka university bad ia ka kam Chansellor hapoh kane ka university la ai ka jingmynjur da u Lat ka jylla ha u snem 2007. Dei naduh kane ka por ba ka university ka la thoh sha ka UGC ban kyrpad ba kan ai ia ka jingthuh.
Ka phang pdeng jong kane ka University ka long ban pynlrit jingmud ha kaba ia dei bad ki kam wad bniah, ia kane ka university la pynlong lyngba ka ain jong ka iing dorbar thawain ka jylla ka Meghalaya Legislative Assembly ha u snem 2005 ha ka por ba u Bah Mr DD Lapang u long u myntri rangbah ka jylla bad u myntri rangbah ba mynta u Dr Mukul Sangma ha katei ka por u long u Education minister.
U Chancellor jong ka William Carey University u la ong ba dei na duh katei ka por ba u Dr Mukul Sangma u la dep ban jur ba ka University ka dei ban ioh ia ka jingithuh jong ka UGC. Ka University ka la dep ban pynbiang ia ki kot ki sla bad la phah sha ka UGC katkum ka jingpan jingtip jong ki.
Ia mynta kane ka university ka ai jnghikai ha ki san tylli ki jinghikai bad kita ki long MA ha ka Education, MA ha ka sociology, MA ha ka Social work, MA ha ka development management bad MA ha ka environmental management bad kaba kongsan ha kaba ia dei bad ka jingwad bnaih.
Ha ka juh ka por ka University ka la iateh bad ka Grace City ha kaba ia dei bad ka jinghikai kaba kyrpang ha ka liang jong ka rep ka riang bad ka kam ri dohkha. Ka jaka ba ka University ka dei ban long ka long ha Umsning ha kaba la sdang ban tei ia ki iing ki sem na ka bynta ka permanent campus bad kajingheh jong ka ka long 10 akar badkaneka jingtei kan lut kumba san klur.(SP News)
