Shillong, Naitung 28: Ka Hynniewtrep Youths’ Council Riwar Mihngi Circle hapoh ka jingialam u S
ecretary bah Glorious Swett ka la leit kynduh mar khamt ia I SDO ha Ophis treikam u Sub Divisional Officer (SDO) ka Pynursla ha Ryngkat bad ka jingdawa.
Ha kane ka jingiakynduh kila dawa ban buh ka shipor da ka khyrdop ha shwa ban rung sha ka thaiñ Riwar ryngkat bad ki tiar Test khamtam kiba wan na Shillong bad na kiwei ki jaka ba Marjan bad ka Riwar Mihngi. Ka jingdawa ka seng kadei halor ka nongrim ban iada ia ki paidbah jong ka thain Riwar ba kin lait na une u Corona Virus (CoVID 19).
Kum ka seng kaba peit ia ka bha ka miat ki paidbah ka la sngewdei ban mih sha khamt ban dawa ia kane ka jingpyrkhing ia ka jingwan sha ka thain Riwar namar ngi iohi ba ha sor shillong bad ha kiwei ki jaka une u Corona Virus uba ngi tip CoVID 19 u la pur sted bad la bun ki riew paidbah kiba ioh ia une u jingpang.
Ka seng ka la dawa na I SDO ba in shimkhia bad bad ban pynstep kham kloi ia kane ka jingbuh ia ka checking gate ha u pud u sam jong civil Sub Diviosion Pynursla ryngkat bad ki tiar ban Test ia ki briew ki ba rung ba mih.
Shuh shuh ka seng ka la ai jingmut ruh ia I SDO ban pynsangeh shwa ia ka jingwan ki BSF na shillong sha ki bynta ki khap border namar ngi iohi ba kine ki BSF ki ba bun na pdeng jong ki ki ioh ia une I jingpang COVID 19.
Ka seng ka la bynrap ruh da kaba Maham ia ki paidbah jong ka thiañ ba kin kiar katba lah ban kiew sha sor shillong bad sha kiwei ki jaka ia mynta shipor khamtam ban leit sha kito ki jaka ba la pynbna da ka sorkar kum ki jaka Containment Zone Lait noh tang kito kiba pang ba shitom la pynkut ka kyrwoh na u Organising Secretary samla Macfairson Dkhar.
