Shillong, Naitung 30: La test COVID-19 positive 19 ngut mynta ka sngi, kiba la koit baroh kila long 210 ngut bad kiba dangshitom ki long 588 ngut, la iathuh u Director ka tnad ka koit ka khiah u Dr Aman War.
Haba kren ha ki lat pathai khubor mynta ka sngi la iathuh ba kine kiba la test COVID-19 positive mynta ka sngi ki long 15 ngut na East Khasi hills, 13 ngut ki BSF, 1 bawan phai bad uwei Bihar, wei dei ba ia jan bad kiba shitom. 1 na West Jaintia Hills, 1 South Garo Hills bad 2 ngut na West Garo Hills baroh kine dei kiba wan phai.
Ka jindon kiba shitom katkum ki District ki long East Khasi Hills 491, ki BSF ki Don 254, ki riew paidbah 203 bad kiwei kynhun shipai ki Don 34 ngut. West Khasi Hills 4, Ri Bhoi 44,West Jaintia Hills 14,East Jaintia Hills 15, West Garo Hills 15,South West Garo Hills 4 bad South Garo Hills 1.
Haduh mynta ka sngi kiba la test ki long 35572 ngut, kiba long negative ki long 34657 ngut, ki reslot kiba dang ap ki long 112 tylli bad ki briew ba wan phai ki long 24147 ngut.
Ha ia dei bad ka jingpynbna Containment area ha ka jingialang ba la long mynta ka sngi la shim ia ka rai ban pynrit ia ki jaka kan nym dei shuh ia ka shnong baroh kawei.
