Shillong, Nailur 05: La dang kham pynriewspah shuh shuh ia ka jingdon ki kot ha ka ktien khasi bd kane ka kot ka long halor ka jingim jong ka kurim jong u Thomas Jones kabala tip kyrteng ka Anne Jones.
Ia kane ka kot la pynlait paidbah da u Rev B Lyngdoh ha iing sah jong u Dr. Toi bad ka sngi kaba la pynlait paidbah ia kane ka kot ka dei ka lyngkhuh sngi iap ba 175 snem jong ka Anne Jones.
U Dr. B.Ps Toi u ba la thoh ia kane kot halor ka jingim jong kane kawei na ki missioneri ba nyngkong ba la wan na Ri Wales ban wan sha Ri Lum Khasi Jaintia, hynrei tang khyndait eh kiba tip iaka wat hapdeng ki khristan sha phang jong ka Anne Jones.
U Thomas Jones bad ka Anne Jones kiba dei shikurim kila poi sha Ri Khasi haka 22nd Jylliew 1841 ha Sohra bad ki nong Sohra ki khot sien ia ka kum ka Mem Jones bad ka dei ruh ka Khristan kaba nyngkong eh ban iap ba tep ha Ri Khasi ha u snem 1845.
Ha kane ka kot kaba u Dr. Toi u la thoh shaphang jong ka Anne Jones ha ka dur jong ka kot wat la ki don tang khyndait eh ki jingeh kiba dei shaphang jong ka bad kane ka kot ka long kum ka jingiathuh khana sha phang jong jong ka.
U Dr, Toi kum u doktor ba sumar ia ki briew, ym dei tang ba u la thoh ia kane ka kot, hynrei kila don ruh kiwei ki kot kiba la dep ban pynlait paidbah kham mynshuwa bad kane ka jinglah ban pynmih ia ki kot kala dang kham pynriewspah shuh shuh ka ka jingdon ia ki kot khasi.
U Rev. B Lyngdoh haba pynlait ia kane ka kot u la pynpaw ia ka jingsngew kmen ban iohi ba u Dr Toi u la lah ban pynpaw lyngba kane ka kot halor ka jingim jong ka Anne Jones bad kane ka long ka jingkyrkhu kaba khraw ïa ka Balang.
Ha kane ka kot, u Dr. Toi u buh ruh ia ki mat kaba ki paidbah ki lah ban pyrkhat khamtam eh hapoh ka balang Presbyterian ha Ri Khasi Jaiñtia, kan pyrkhat balei ba kane ka briew kaba la kloi ban bud ïa u kurim shaduh shane sha lum Khasi bad ban shah shitom lang bad la u kumrim.
Kane ka Mishoneri kam ïoh ka jaka kaba biang ha history jong ka Balang, lait noh tang u mot jingtep uba don ha lum jingtep jong ka Balang Presbyterian Nongsawlia bad u mot sah kynmaw ba la tei da ka Balang Nongsawlia ha ka snem 1996.
U Dr. Toi, lyngba kane ka kot u la kdew ruh ïa ka jingmut jingpyrkhat jong ki Kynthei ha ka Balang Presbyterian balei ba kane ka Mishoneri Kynthei ba nyngkong eh ha ri Khasi Jaiñtia kam ju ïoh jaka ha ka history jong ka Balang.
U Dr. Toi u nongthoh ia kane ka kot, u la kdew ba leh se ka jingkhlad noh ka Anne Jones, ka kurim ka la ktah ïa ka jingim jong u Thomas Jones hadien. U Dr Toi u la ai kyrteng ia kane ka kot ka “Anne Jones (1812-1845” ‘Ka Missionary kynthei kaba nyngkong ha Ri Khasi Jaiñtia’.
