Shillong, Nailur 07: Ka kynhun jong ki riew shimet ia kaba la ai kyrteng ka “AdventuRers” hapoh ka jingialam jong u Kailash Verma ha ka sngi u blei kila pynlong ia ka jingsynreit dawai ia ka Khyndailad bad Police Bazar ban iada na u khniang jingpang COVID-19.
Ha ka jingkren kaba lyngkot jong u nongialam kane ka kynhun u Verma u la ong ba kane ka jingpynlong ia kane jingsynreit dawai ia ki dukan bad ia ki lynti iaid ka long shibynta ban iada na u khniang jingpang COVID-19.
Ka jingshim ka kynhun “AdventuRers” ia kane ka jingsynreit dawai ha katei ka thain ka long namar ba kane ka jaka ka dei ruh ka iew kaba long ha pdeng jong kane ka nongbah Shillong bad ha ka juh ka por ruh ka dei ka jaka ba shong iing kiba bun bah ki briew.
Ka jingsynreit dawai ka long ia baroh ki dukan kiba don ha katei ka iew bad kum juh ia ki lyngti syngkieng kiba don hapoh kane ka Iew la lah ban leh ia kane da ka jingiasnoh kti lang jong baroh kiba ia don ha katei ka kynhun bad na ka liang jong ki bor jong District Administration la wan ban mih khmat da ka kong Martina Lyttan.
