Shillong, Nailur 11: Leit ia kynduh ka KSU Nangbah Unit ia u E.E. PWD North Jowai Division ban dawa ba dei ban maramot ia ka surok sha shnong Nangbah ba la sniew palat ka surok haba ki paidbah ki kynduh jingeh shiksha.
Ka Khasi Student’s Union Nangbah Unit, mynta ka sngi ka hapoh ka jingialam jong u President samla Morningstar Pasi ryngkat ka jingiadonlang jong u General Secretary samla Eugine Hinge bad ki katto katne ngut ki office bearer.
Ka seng ka la ioh ban ia kynduh ia u Executive Engineer Jong ka Public Work Department(PWD) North jowai division jowai, ban dawa maramot ia u surok ba don ha ka shnong Nangbah.Namar ka jingsniew palat u surok bad ka jingud jingnam jong u paitbah ha ba bun ki Liang.
Kumta ka seng kam banse ban leit dawa na ka tnat ba dei khmih, ba kan maramot mardor ia une u surok. Hadien ka jingiakynduh bad u ne u E.E, u la kular ruh ban shim khia ia ka ei kaba ka seng ka la dawa. Ka seng ka dap da ka jingsngewkmen kaba khraw ia u E.E ba u la kular ban shimkhia bad ka khmih lynti ba kine ki jingdawa kin urlong.
