Shillong, nailur 13: U Director ka tnad ka koit ka khiah u Dr Aman War mynta ka sngi u la pyntip ba mynta ka sngi la test COVID-19 positive 109 ngut, na kine East Jaintia Hills 2, Ri Bhoi 9, West GaroHills 13, East Khasi Hills 85 ngut.
Ka jingdon jong kiba shitom ha ka jylla baroh kala kiew sha ka 1623 ngut, ha East Khasi hills 1048, West Khasi Hills 14, South West Khasi Hills 5, Ri Bhoi 137,West Jaintia Hills 13, East Jaintia Hills 148, West Garo Hills 201, South West Garo Hills 8, South Garo Hills 20, East Garo Hills 17 bad North Garo Hills 12.
Kiba la koit ha ka jylla haduh mynta kila kot sha ka 2075 ngut, kiba koit tangmynta ka sngi ki long 55 ngut, East Khasi Hills 30, Ri Bhoi 2 bad West Garo Hills 23, bad mynta ka sngi khlad u wei u rangbah ha East Khasi Hills District bad ka jingkiew kiba khlad kala long sha ka 26 ngut.
Director ka tnad ka koit ka khiah la iathuh ba u ba khlad la tip kyrteng kum u Bah Peter Kharkongor 70 snem ba sah ha Wahthapbroo Shillong, la leit rah sha Nazareth Hospital Shillong bad la shem ba la dep khlad bad haba la leh ia ka RAT Test la shem ba long Positive.
