Shillong, Nailur 16: Mynta ka sngi Committee on Woman Empowerment mynta ka sngi ka la khot sha ka jingialang ia pynlong ia ki ar ngut ki Superintendent ki Police halor ka jingpynslem ka jingtohkit bad ban kem ia ki briew ki ba donkti ha ka kam leh beijot ia ki Ar ngut ki khynnah ka wei ha West Garo Hills District bad kawei ha Ri Bhoi District.
Haba kren ha ki lat pathai khubor u bah HM Shangpliang u dkhot ka Assembly Commitee Women Empowerment u la iathuh ba mynta ka sngi kila khot ia u Superintendent ki pulit jong ka West Garo Hills District ban pan jingpynshai halor ka jingpynslem ban tohkit bad ban kem sa ia uwei na ki 3 ngut ki ba donkti ha ka kam ban leh beijot ia ka wei ka khynnah na Phulbari.
Halor kane ka jingjia u SP jong ka West Garo Hills u la iathuh ha khmat ka Committee ba kem ar ngut bad ki dangthwet ia u wei u bala phet rieh sha Assam bad ka jingtohkit ka dangiaid bad min pyndep hapoh 60 sngi bad kin sa aitihaasik sha iing bishar.
U bah Shangpliang u la iathuh ba ka Committee ki la bthah ia ki pulit ba ki dei ban ai ia ka jingiada ia ka lanot bad ia ki baha iing ha sem jong ka lanot hapoh ka Integrated Child Protected Scheme ha ka ba ia ka ne ka khynnah kin ioh ban sumar sukher bad ban ai ka jingïasyllok la dep ban bthah ia u SP ba un don ka jingiatrei lang bad ka tnad ka Social Welfare ban ia rap ia ka ne ka khynnah.
Ha kane ka sngi kila ia kren ruh ia ka jingpynslem ban tohkit ia ka jingshah leh beijot ka wei ka khynnah ha Jirang Ri Bhoi District. Haba ia dei bad kane ka committee ki la leit sha Nongpoh ban tohkit ia ka daw ka jingpynslem ha ka ba ia dei bad kane bad la shem ba ha ka 15th/6/2020 ki don ki briew ki ba la leit ban pynpra dusmon ia ka iing jong ka khynnah ha ka ba la dep ban ujor da ka ejahar ha lor ka ne ka bynta hynrei ki pulit kim pat lah ban kem ia no iano ruh ki ba don kti ha ka ne ka kam.
Ka committee kala shem ba haka 22/6/2020 u wei u briew u ba tip kyrteng kum u Adhira Rani u la leit ban byrngem ia ka wei ka ASHA ka ba la wan sha khmat ban ia rap ia ka ne ka khynnah ka ba ngat ha ka ne ka lanot ha lor ka ne ka bynta ruh ladep ban ujor da ka ejahar hynrei ka long ka ba lyngngoh ba ki pulit ki khlem pat leh eiei halor kane ka bynta bad ym pat don uwei ruh u riew runar u ba la shah kem ha kane ka bynta.
ka Committee ka la ai por 2 taiew ia u SP jong ka Ri Bhoi ban tohkit bad ban leh ia ka ba don kam halor ki jingujor ia ka ejahar ia kine baroh ki jingjia kat kum ka ain bad kana pynlyngoh ba ka shnong kala wengkam ia ka ASHA na ka daw ba ka iarap ia ka ne ka khynnah ka ba ngat ha ka ne ka lanot.
Ka Committee ka la bthah ia ka DMHO ba ki dei ban thung kam biang ia ka ASHA hapoh ka 24 kynta bad mynta ka sngi ki la ioh ia ka shithi na u DMHO ba u la bthah ia u Incharge jong ka PHC Jirang ba ki la khot biang ia ka ne ka long kmie ba kan trei kum ka ASHA.
U bah Shangpliang u la ong ruh ba ki pulit ki la ioh ban kem ia u briew baleh beijot ia ka khynnah na Jirang hynrei ki briew ki ba la leit ban pynpra ia ka iing jong kane ka khynnah bad ki briew ki ba la leit ban byrngem ia ka Asha ki bun bad kim pat shah kem.
U SP ka Ri Bhoi u khhlem lah ban jubab ha khmat ka Committee bad lada ka jingjia ka la jia naduh ka u 15 tarik u bnai jylliew bad lada ha duh mynta u SP u dang tohkit sah te ka la dei ka jingbyntreh lane pynslem khnang jong ki pulit kumno phi lah ban shim por haduh ar bnai ban tohkit sah ia kum kane ka jingjia bad lada jia eiei ia ka ASHA ha ki ne ki ar bnai mano ban bah khlieh dei na ka ne ka daw ba la bthah ia u SP ba un tohkit bad kem ia ki ba don kti tang hapoh ka 2 taiew.
