Shillong, Nailur 17: U Myntri ba dei peit ia ka tnad pynroi sor mynta ka sngi u la plie ia ka painkhana paidbah ha Jail Road ia kaba la shna na ka Speicial Urban Work Programme (SUWP) ia kaba la tip kum ka MLA skhim ha ka jinglut kaba T.14 lak tyngka.
Haba kren u bah Hamletson Dohling myntri ba dei peit ia ki kam pynroi sor u la ong ba u dap da ka jingsngewlyngoh ban tip ba ka Jail Road kam don ia ka painkhana paidbah bad la ka dei ka jaka ba bun ki dukan, la ong ba ka jingdon ki painkhana ha ki jaka paidbah ka long kaba don kam.
Ha ka jingkren u la ong ba ha kaba ka long ka sien kaba nyngkong ba kum u myntri un plie ia ka painkhan, hynrei ha kane ka jingplie ia kane ka painkhana ka long kaba kongsan namar kane ka dei ha ki jaka paidbah bad ka jingle khuid ka long kaba kongsan ka phang kaba kongson kam dei ka piankhana hynrei ka jinglehkhuid bad kane ka long ka nuksa ia baroh.
Kane ka Piankhan kaba la shna lyngba ka MLA skhim jong u bah Adelbert Nongrum ka dei shisha kaba katkum kane ka juk kaba mynta bad kane kan long ka nongmuna na ka bynta ka Shillong Municipal bad bad ia ka tnad pynroi sor, kane ka piankhana kam dei kum kito kiba la don ha ki jaka paidbah.
Ha kane ka jingialang la ong ba un sa bthah ia ka SMB bad kum juh ia ka tnad pynroi sor ba kin shim nongmuna na kane ka painkhana ban wanrah ia ki jingkylla ha ki painkhana paidbah kiba don hapoh jong ka Sor Shillong ban wanrah ia ka jingkhuid jingsuba.
Ha kane ka jingialang u MLA jong ka 17-North Shillong u bah Adelbert Nongrum u la kren pdiang sngewbha bad ha ka jingkren u la ong ba kane ka dei ka jingangnud jong ki nongshong shnong ka Jail Road kaba la slem naduh kip or mynshuwa ia kaba la lah ban pynurlong mynta ka sngi bad u la ban jur ba ka jingkhuid ka dei kaba don kam ha kane ka por.
Ia ka jingia jingialang la pyniaid da ka Chandradevi Bhatarcharjee, ha kaba la don lang u CEO jong ka Shillong Municipal u bah B S Sohlya, u SK Dhar shongknor ba rim bad u Prasanjit Dey Chairman ka Jail Road Welfare Committee, ki paidbah nongshong shnong ka Jail Road ha kabak kila pynpaw ia ka jingsngewnguh ia u MLA u ba la lah ban pynurlong ia kane ka jingangnud kaba la slem jong ki.
