Shillong, Nailur 21: U Director ka tnad ka koit ka khiah u Dr Aman War u la pyntip ba mynta ka sngi baroh kiba la test COVID-19 positive ki long 73 ngut, na kine East Khasi Hills 59, West Garo Hills 12, North Garo Hills 01, West Jaintia Hills 1 bad baroh kiba shitom haduh mynta ki long 2169 ngut.
Kiba la koit haduh mynta ki long 2527 ngut, kiba la koit tang mynta ka sngi ki long 15 ngut, na kine kiba la koit mynta ka sngi ki long West Garo Hills 6, Ri Bhoi 4, South West Garo Hills 3, East Jaintia Hills 2 ngut.
Ki nongmuna kiba la shim haduh mynta ki long ngut, kiba la test Negative ki long 127589 bad ki resott kiba dang ap ki long 937 tylli, kiba la wan phai baroh ki long 38953 haduh mynta.
Kiba khlad haduh mynta ki long 38 ngut, kiba khlad mynta ka sngi ki long u Jothika Ghosh 46 snem ka rta u ba sah ha Upper Jailroad u la khlad ha Nazareth, u Jotimoi Sharma 48 snem ka rta u ba shong ba sah ha Tipura u ban wan shah sumar NEIGHRIHMS bad u Ranjit Kumar Das 75 snem ka rta u dei u ba na ka jylla Assam.
U Director u la iathuh ba ia u Ranjt Kumar Das 75 snem ka rta wat la u khlad ha Shillong ka jingkhein kan long sha Assam namar ia u la test COVID-19 hapoh ka jylla Assam. Kine baroh lai ngut kiba khlad mynta ka sngi nalor kiwei ki jingpang ka long ba kim lah ban ring mynsiem.
