Shillong, Risaw 01: U Bah Dasakhiatbha Lamare MLA jong ka Mawhati ha dien ba la dep ban shah pynbam smai kum u myntri ha ka sorkar u la ong ba ki jingdon kam jong ka Ri Bhoi District ki dang bun shisha namar ka dei ka District kaba dangialeh ban kiew.
Haba kren ha ki lat pathai khubor u la ong ban niew tang ia ki jingduna hapoh ka District yn nym lah ban niew namar ki dang bun, na ka liang jong u kum u myntri un pyrshang ban leh katba u lah ha kine kip or ba dang sah.
Ha kane ka sngi u la ia khublei kyrpang ia u myntri rangbah ka jylla u Conrad K Sangma u ba la ibit ban pynrung ia u ha ka kynhun myntri bad ha ka juh ka por ia u Bah Comingone Yombon u ba la dei u wei na ki riew rangbah bala don ha ka sorkar ha kine ki snem kiba la leit.
La ong ruh ba ka sorkar MDA ha kine ki ar snem shiteng kiba la leit ka long ka sorkar kaba skhem bad kan long ruh kaba skhem da ka jingdon lang jong ki kum ki myntri sorkar bad hapoh ka jingialam jong u myntri rangbah ka jylla kin lah ban dang trei na ka bynta ki paidbah ka jylla.
