Shillong, Naiwieng 02: U Director ka tnad ka koit ka khiah u Dr Aman War mynta ka sngi u la pyntip ba baroh kiba la test COVID-19 ki long 71 ngut, West Jaintia Hills 36, East Khasi Hills 29, Ri Bhoi 2, West Garo Hills 2, East Garo Hills 1, North Garo Hills 1, kiba dang don ha pdeng ka jingshitom baroh ki long 1009 ngut.
La pyntip ruh ba kiba koit mynta ka sng ki long 107 ngut, East Khasi Hills 83, Ri Bhoi 14, South Garo Hills 18, West Jaintia hills 5,North Garo Hills 1, kiba la koit baroh haduh mynta ki long 8579 ngut.
Na ka jingpyntip jong u Director ka tnad ka koit ka khiah, kiba bun na kiba la test COVID-19 positive ki dei kiba don ka jingiajan bad kito kiba shitom COVID-19 positive.
Kito ki ophisar kiba ia jan bad ki ar ngut ki myntri sorkar kiba la test COVID-19 positive na ka liang jong ka tnad ka koit ka khiah kala dep ban leh ia ka test bad baroh ki long Negative.
