Shillong, Naiwieng 7: Mynta ka miet kawei ka kali Bolero ka ba Don ia u number MLO4-A-7331 kala kem ding kynsan ha Surok bah hapdeng Surok ha Garikhana, ka daw jong ka jingkem ding dei na ka jingkem ding ki wire bala tip kum ka short circit.
U bah Vivek Syiem SP City u la ong ba Kane ka kali kala kem ding ka lah ban dei na ka jingkem ding ki wire namar ka tdem ding kala klang na poh bonet jong ka kali bad ki pulit kiba Don ha katei ka jaka ki ioh ia Kane ka jingkem ding kynsan Kane kali.
Na ka liang jong ki pulit pynlip ding ruh kila wan brand brand ban pynlip ia ka ding ka ba klang, ha Kane ka jingjia ka kali kala julor, haba ia dei bad Kane ka jingjia kam shym Don kano kano ka jingmynsaw ia ki briew. Na ka liang ki pulit kin dang tohkit ban lap ia ka daw jong ka jingieng hi Kane ka kali.
