Jowai, Naiwieng 17: Ka Khasi Student Union Laskein Circle ka la ioh ban pynthymmai iaki nongkitkam ba thymmai jong ki ar tylli ki tnad treikam jong ka haka shnong Iooksi bad Saphai. 
Hakane ka jingpynthymmai iaki nongkitkam ba thymmai la wa pynshkem da u Samla SS Niangti CEC Member ha ryngkat ka jingdonlang u Samla Cherity Suja General Secy KSU Jaintia Hills District Unit, Ma Nangai Sutnga Publicity Secy KSU Jaintia Hills , Samla Return Passah dkhot ka KSU Laskein Circle bad kiwei kiwei pat.
Ha kane ka sngi la ia donlang ruh ki Waheh Shnong bad Secretary shnong jong ka shnong Iooksi bad Saphai. U Samla SS Niangti haba ai jingkren haka jingialang ula ong ba ka KSU ka dei ka Seng kaba pyniatylli bad kaba tehsong iaka Jaitbynriew baroh kawei.
“Ka jingdon ki tnad treikam ka KSU ha ki shnong Khappud bad shabar ka Jylla ka iarap shi katdei eh iaki paradoh parasnam jong ngi ban lait naka jingshah iuhroit ha ki wei pat ki Jaitbynriew.
Haba kyntu iaki dkhot ban ia treilang bad ki bor shnong, ula ong ” Ki dkhot ki dei ban ia treilang ryngkat ryngkat bad ki Dorbar Shnong naka bynta ka bha ka miat bad ka roi ka par jong ka shnong ka thaw bad ka imlang ka sahlang”.
Ki nongkitkam ka KSU Iooksi Unit,President : Sainia Sutnga,Vice President: Tympang Tangliang, General Secretary Juhhi Tangliang, Asst GS : Hamehi Mannar, Publicity Secy : Landerson Sutnga, Asst Publicity Secy : Kamnibait Phyllei, Organising Secy : Fernando Sumer bad 30 ngut kiwei ki dkhot.
Ki Nongkitkam ka KSU Saphai Unit, Balawan Suchiang President, Teibormi Sten Vice President, Riki Syntem General Secy, Iurilia Niang Asst GS, Lastborn Rabon Education Secy, Melita Langbang Asst Education Secy, Shimti Suchiang Finance Secy, Eiladmi Synnad Publicity Secy, bad kumba 16 ngut ki dkhot.
