Shillong, Naiwieng 19: Mynta ka sngi ka
Sharda University, Noida na ka jylla Utter Pradesh kala ai ia Conrad K Sangma myntri rangbah ka jylla Utter Pradesh. Ia kane ka burom la ai da u Vice Chancellor jong ka skul bah u Dr. Sibaram Khara ha ka jingiadon lang u myntri ka sorkar pdeng ba dei peit ia ka pule puhti u Dr. Ramesh Pokhriyal Nishank.
Haba kren ha kane ka jingialang na ka liang jong u myntri rangbah ka jylla u la ong ba ka long kaba don kam ia ki nongpyniaid skul ba kin shim khia ha kaba trei na ka bynta ban kyntiew ia ki samla, don kam ban sain dur ia ki samla ha kata ka rukom ban kyntiew ia ka Ri sha khmat bad ba kin long ki nongshong shnong kiba don ia ka jingkit khlieh.
Na ka liang jong u Conrad u la ai ka jingiaroh ia kane ka skul bah ba kala plie lad ia ki samla ha kiba bun ki liang, u la ong ba kane ka jingpynkup ha u ia kane ka burom kan ialam ban rah ia ka kyrdan jong ka Ri, la ong ba don kam ban don ia ki rang kynsai bad ki thei kynsai ym ban shu bun tang kiba ioh ia ka kyrdan, la ong ba ka Ri, ki jylla bad kane ka mei mariang ruh ka khmih lynti ba ki samla kin leh bha ha baroh ki liang.
U ai ka jingkyrmen ba kane ka skul bah kan saindur ia ki samla ba kin long ki briew kiba lah ban kit ban bah ia ka Ri, u la kyntu ia ki samla pule ba kin long kiba lui lui, ki bym riej ban poi sha ka thong bad u la ai khublei ia ka skul bah ba kan dang kiew ha ki sngi kiban dang wan. U la ai ka jingiaroh ia ka sorkar pdeng ha kaba wan rah ia ki polisi kiba thymmai ha ka liang ka pule puthi.
Ha kane ka sngi u la ong ba ka jylla Meghalaya ruh kala shim bun ki lat ki lynti ban pynthikna ba ia ki samla jong ka jylla yn hikai ia ki ha kiba bun ki liang jong ka jingnang jingtip bad ka sorkar kala pynshlur ia ki samla ba kin but ia ka jingsngewthuh ha ka sap kaba ki don, ia kane u la ong ha ka jingiadon lang u myntri ba dei peit ia ka pule dangle jong ka sorkar pdeng u Dr. Pokhriyal u ba la shah pynkup burom na kane juh ka skul bah.
Ha ka jingkren jong u myntri ka sorkar pdeng u Dr. Pokhriyal u la kyntu ba ai kane ka khlam COVID-19 kan pynlong kum ka lat ban ioh ia ki kabu ban kyntiew ia ka Ri, la ong ba dei ban bat ia ka burom ka akor bad kum juh iala ka jong ka riti dustur la ai khublei ia ki samla kiba la pass na kane ka skul bah bad ka jingkhublei ka leit sha kane ka skul bah u Chancellor PK Gupta u bala ioh ia ka kyrdan NIRF.
U Myntri ka sorkar pdeng u la ong ba u sngew tynnad ban tip ba na ki 56 tylli ki ri jong ka pyrthei ki samla ki wan ban pule ha kane ka skul bah bad la ong ba ka sorkar pdeng ka kwah ban wanrah ia ka phang ban pule ha Ri India bad kin sah ha Ri India.Na ka liang jong u myntri ka sorkar pdeng u la ai khublei ruh ia u myntri rangbah ka jylla u Conrad K Sangma u ba la shah pynkup ia kane ka kyrdan.
Ha kane ka sngi kila don ruh shibun ki la don bun kiwei kiwei ki riew khraw kum u Dr Mahesh Sharma ba dei u Secretary General jong ka Sharda University ba dei ruh u MP, Dr. Ravi P. Singh. Ki samla pule kiba la pass na kane ka skul bah ki long 3593 ngut ha ka Degree, 1203 ha ka kyrdan post graduates bad 30 ngut ha ka kyrdan Doktorate.
