Shillong, Naiwieng 20: U bah Process T Sawkmie MLA jong ka Mawlai mynta ka sngi u la ong ba ki paidbah jong ka Mawlai kim dei ban khih jingmut namar ka Mawlai kan nym hap hapoh jong ka jaka sor ha kane ka jingthoh khanasamari kaba mynta.
Haba kren ha ki lat pathai khubor mynta ka sngi u la ong ba kat kum ka shithi kaba la thoh da u Under Secretary ka sorkar jylla jong ka tnad General Administration Department (B) kala kren shai ba ka Mawlai kala hap hapoh jong ka Mawlai Community bad Rural development Block.
U bah Process u la ong ruh ba kum u MLA u la ia kynduh da lade ia u myntri rangbah ka jylla u Conrad K Sangma ban ia kren bad u ban pyntrei kam ia ka skhim NREGA hapoh ka Mawlai baroh kawei na ka bynta ban ioh bylla ioh sngi bad ka sorkar kala phah ia kane ka jingpan sha ka sorkar pdeng sha Delhi.
Na ka liang jong u MLA jong ka Mawlai u la ong ba mynshuwa kiba ioh ia kane ka skhum hapoh ka Mawlai konstitwensi ka long tang 10% hynrei mynta kin ioh 100%, kane kan pynioh bylla ia ki briew kiba dang bun ki long iing kiba duk hapoh Mawlai konstitwensi hi baroh kawei.
U bah Process u la ban biang ba ki paidbah ka Mawlai kim dei ban shah ialam bakla ha kaba ia dei bad kane ka jingthoh khanasamari ba ka Mawlai konstitwensi kan nym hap hapoh ki jaka sor ha kane ka jingthoh khanasamari kaba mynta.
