Shillong, Naiwieng 22: ka jingkam jong ka sorkar ka long ba ka jingkyrduh um ha kiba bun ki shnong ha kane ka nongbah Shillong ka dei namar ba ym pat lah ban pyndep ia ka GSWS jong ka bynta kaba lai kaba ka sorkar ka dang ialeh ban pan pisa biang na ka sorkar pdeng.
Ka jingkynnoh mynta kan leit sha ka PHE, ne sha ka Muncipal ha kaba bun na ki shnong ha kane ka nongbah Shillong ki don ha pdeng ka jingduna um, katba don ki shnong kiba ka um ka tuidkai sha madan na ka daw jong ka jingshlei ki top um kiba don ha ki shnong.
Ka jingtuid kai ka um na ki pipe um ha kylleng kane ka sor Shillong kala pynpangnud ia kiba bun ki briew kiba iohi bad iaid lynti ban iohi ba ka um kam shu laitkai sha madan madiah namar ka jingbym don nongpeit ia ki pipe um.
Ka jingkylli mynta ka long hato ka PHE bad ka Municipal ki don ne em kata ka jingiatreilang namar ka jingpynpoi um sha ki nong ha kane ka nongbah Shillong ki dei na ka PHE bad na ka Municipal.
