New Delhi, Naiwieng 28: Ka rukom test kaba suk bad kaba sted jong ka Dry Swab- Direct RT-PCR, ba la shna da ka lab centre for Cellular and Molecular Biology (CCMB) jong ka CSIR, Hyderabad na ka bynta ban pynkhlain ia ka jinglap ia ka SARS-CoV-2 mynta ka la ioh ka jingmynjur na ka ICMR katkum ka jingpynthikna ba laitluid jong ki. Kane ka rukom ba la shna da ka CSIR-CCMB kalong kaba iapher malu mala na ka rukom test ba la don lypa ka RT-PCR bad ka lah ban kyntiew ia ka jingleh ia ki test da 2 haduh 3 shah khlem da donkam ia ki jingbei tyngka ba thymmai. Hadien ba la peit bniah ia kane ka rukom bad lap ba kalong kaba biang 96.9% ban pyntreikam, ka ICMR mynta ka la pynmih jingbthah ban pyndonkam ia ka rukom test CSIR-CCMB dry swab, da kaba pyrkhat ia ka jingduna jinglut bad kalong ruh kaba sted.
Ka dur 1: Ka Dry swab bad ki jingkhleh na ka bynta ban leh ia ka test ha ka tube bad ki jingdonkam ban leh ia ki test ha ki tube ka dur jong ka jingbym donkam ban sei ia ka dry swab ban test ia ka coronavirus
Ka CSIR-CCMB, Hyderabad ka la test ia ki nongmuna (sample) na ka bynta ka coronavirus naduh u bnai Iaiong, 2020. Namar ka jingiatreilang bad ki nongai jingsumar jong ka Telangana, ka la ithuh ia katto katne ki bynta ba kongsan ba pynsuki ia ka rukom test. Kumta haba iadei bad kane, ki stad wad bniah hangne ki la shna ia ka rukom test Dry Swab RNA- kaba lait ban sei ia ka nongmuna ban test ia u khniang jingpang COVID-19.
Ha ka jingbatai bniah, ka rukom test Dry Swab- Direct RT-PCR ka kynthup ka jingshim bad phah ia ka nasal swab ha ka rukom ba tyrkhong (kaba pyrshah ban pyndonkam ia ka viral transport medium VTM) kaba pynsuk ia ka jingphah bad jingkhmih ia ki nongmuna bad ka duna ruh na ka jinglait shabar bad iada na ka jingsaphriang ka jingpang. Kaba ar, la pynduh ia ka jingdonkam ban shim tang ia ki RNA na ki sample bad donkam tang ban peit ia ka sample bad bud da ka RT-PCR da kaba pyndonkam ia ki tiar ba la ai jingmut da ka ICMR.
Da kaba pynduh ia ka bynta jong ka RNA isolation ka wanrah jingmyntoi kaba khraw halor ka rukom treikam ba rim namar ka RNA isolation kalong ka jingpynthut kaba khraw ha ka liang ka por, ka jinglut bad ka jingai jinghikai ia ki briew. Da kajuh ki jingdon jingem bad khlem donkam ban pynlut shuh shuh la lah ban test ia ki nongmuna bad yn lah ruh ban kyntiew ia ka jingleh ia ki test da ar- lai shah.
U DG-CSIR, Dr Shekhar C Mande, haba ai jingkren halor kane ka phang u la ong ba ka rukom test Dry-Swab Direct RT-PCR kalong kaba duna dor, kaba suk ban pyntreikam khlem da donkam ia ki tiar ba thymmai bad ki briew kiba la don lypa ki lah ban leh ia kane khlem da donkam ia ki jinghikai pyntbit bad kumta kan long ka jingnohsynniang kaba khraw ban pynkhlain ia ka jinglah ban leh kloi ia ki test ha ka ri.
U Dr Rakesh Mishra, Director, CCMB u la bynrap, “ka jingsei ia ka RNA,wat lada kalong lyngba ki kor ki bor, ka shim por 4 kynta na ka bynta 500 tylli ki nongmuna. Ka jingsei VTM bad ka RNA ka long kaba bun jinglut bad kaba shimpor na ka bynta ban leh ia ki test paidbah ia ka coronavirus. Ngi ngeit ba kane ka rukom treikam kan wanrah shibun ki jingmyntoi bad kan pynduna ia ka jinglut bad ka por ba donkam ban leh test haduh 40-50%”.
Kane ka rukom ba la pynthymmai jong ka CSIR-CCMB kadei kaba la ioh jingkyrshan na ki institute bapher bapher bad ki hospital kum ka Centre for DNA Fingerprinting and Diagnostics (CDFD), IISER-Berhapmur, CSIR-NEERI, GMCH-Nagpur, Genepath ha Pune, IGGMSH & MAFSU, Nagpur bad kumjuh ruh ka Apollo Hospitals, Hyderabad. Shuh shuh, ia kane ka rukom test ba la pynthymmai la pynmih ha ka jingthoh jong ka CSIR-CCMB bad da kiwei kiwei ki kynhun ba iadei bad ka science ha ki jingthoh bapher bapher ha kylleng ka pyrthei.
