Shillong, Naiwieng 28: kumba ka paw ki liang pyrshah kim don daw ei ei shuh ia ka sorkar bad mynta ki sdang ban kynthoh pyrshsah sa ia ka iing ka sem kaba long kaei kaei ka bym sngewtynnad, la ong u Myntri Rangbah u Conrad K Sangma.
Namar ba u la kynnoh, u Conrad u la kynnoh kylla ba ka jingjia ka dei ha ka por ba u nongialam ka liang pyrshah u long Myntri Rangbah ha u snem 2017 bad ka jingtohkit ha kato hi ka snem. Ka jingtohkit kala iaid palat shisnem bad ka sorkar kala kyllakylla, ka jingkynnoh ka long ki mushlia ia kane ka jingtohkit.
U Conrad u la ong balda kila mushlia ia ka jingtohkit mar ia wan ha ka sorkar kila dei ban pynkynriah kam, dei namar ba ki khlem mushlia ki sa ieh ba ka jingtohkit kan iaid palat shisnem halor kane ka phangphang bad ka sorkar ka khlem pynthud ei ei ruh em.
Ka sorkar ka kwah ba ka jingtohkit kan long kaba laitluid, ka jingpynkynriah kam ka long katkum ka por ba la dei ban leh kam dei tang ia u ophisar ba la kdew da u nongialam ka liang pyrshah.
U Myntri Rangbah u la kynnoh kylla ba dei ha ka por ba synshar ka congress ba ki kam khaii met ka don ia kaba la pyniaid na ka iing basa jong u Myntri kam poh iing u barim bad dei ha ka sorkar jong ka congress ba ia u ophisar ba tohkit ia kane ka jingkynnoh die met tang hapoh shibnai la pynkynriah kam noh balei kileh kumne kaei ka daw , kylli kylla u Conrad.
Ka jingleh jong ka sorkar ha kato ka por ka long kaba bakla, ha ka jingshisha la dei ban ai lat ban pyndep ia ka jingtohkit kumba la leh ia ka mukotduna kaba kila kynnoh ha kaba ka jingtohkit kala iaid palat ar snem.
La ong ba ka S S Net Com ka dei ka kompeni ba don ban leh ia ka kam khaii pateng, kila buh ia ka Call centre ba nyngkong ha North East bad ki kompeni, kumka Aircell , Airtell bad ka Idea ki ai ia ka jingkyrshan hynrei namar bala rem palat ka dor ka SS Net com kala shim ia ka rai ban sangeh noh ia ka jingtrei ka ka call centre ban ioh biang ia kaei ba ka kompeni kala sengla shim ia karai ban aiwai noh.
La ong ha ka por ba ki ai wai la ioh ia ka jingbit na u Superintendent ki pulit, na ka District Council, na u rangbah shnong bad ia ka jingbit la shim na baroh ki bor ba dei peit, lada u nongialam ka liang pyrshah u kynnoh ba balei khlem but ia ki kyndon, lada ka long kumta balei khlem leh ha kato ka por.
Na ka liang jong ki kila bud ia baroh ki kyndon shuwa ban aiwai bad ia ka jingbit la ai da u SP hal to ka por. Kumta kane ka jingkynnoh jong u nongialam ka liang pyrshah ka long kaba um lah ban sngewthuh. Kumba ka long kim don daw da kumwei pat mynta ki sdang ban kynthoh sa ki kam shimet.
Kaei kaba la jia mynshuwa baroh kito ba shah kynnoh kila shah kem, u Myntri rangbah u la ong ba um dei ei ban ong, hynrei namar bala kynnoh u kwah ban pynshai halor ki jingkynno.
Halor ka jingkynnoh ba khlem khot ia ka jingialang ka State Security commission, la ong ba ka jingkhot ia ka jingialang kan long kat kum ka jingshah ka kam ha kine ki bnai na ka daw ba don ka khlam COVID ki khlem khot hynrei kila ban ia ka juh shi kajuh.
