Jowai, Nohprah 01: Mynta ka sngi ki nongialam ka Hynñiewtrep Achik National Movement (HANM), sengkmie ki la wan sha nongbah Jowai ban pynthymmai ia ki nongkit kam ka West Jaintia Hills District bad ha ka por ia ka East Jaiñtia Hills District, haka jingialang kaba la pynlong ha Infinity Hall Mooralong Jowai.
Mynta ka sngi ia ka jingpynbam smai la shimti da u President rangbah ka seng u bah Lamphrang Kharbani, uba la ong ba ka seng HANM ka ieng ha ka nongrim ban shakri bad iada iaka jait bynriew, uba la ong ruh ba ka thma mynta ka lajan bad ka por kala dei ia ngi ban ieng ialeh na ka bynta ka jaitbynriew bad kala dei ka por ruh ba ngin bud ne pynmih noh ia kita ki Tirot Singh u Woh Kiang Nangbah bad kiwei de ki riew shlur ne ki khlawwait jong ka jait bynriew Hynnietrep.
U la ong ruh ba ka seng ka don ka nongrim ban ieng ialeh tyngeh ban dawa ia ka Inner Line Permit (ILP), naka liang ka seng ha ka 4 tarik mynta u bnai Nohprah, ka seng kan mih madan ban shong kyllaiñ myngngor da kaba rah ia ki lama ki banner ha baroh ki Head Quarter jong ki District kumjuh ki Head Quarter jong ki Sub-Division bad sha kiwei de ki jaka jong ka jylla ban pyni bad pynpaw sha ka sorkar ba ka jylla Meghalaya ka don kam shisha ia ka ILP, namar ha jylla Meghalaya kat shaba ngi phai na baroh sawdong jong ka, ki bar jylla kumjur ki bar ri ki iohlad beit ban rung sha poh ka jylla jong ngi ong u bah Lam.
Ha kane sngi ia ka jingialang la pyniaid da u bah B.K Mawpat Member CEC, bah Comet Star Lyngdoh Organizing Secretary HANM-CB, bah Wraiwan Sohtun Assistant General Secretary sengkmie Shillong, ma Comely Lyngdoh President West Jaiñtia, bah Lawyerson War President ba rim ka JSU bad kiwei de.
Ki nongkitkam bathymmai ka HANM West Jaiñtia Hills District, ki dei President ma Comely Lyngdoh, Vice President Aphhira Lamurong bad Poihame Sungoh, Secretary Wankishwa Mawlong bad kiwei de kiba bat ia ka kam bapher bapher ryngkat ki dkhot ka Executive Committee kynthup ia 20 ngut kiwei de ki dkhot.
Katba ki nongkitkam ka HANM East Jaiñtia Hills District ki dei President Coming soon Dkhar, Vice President Monkini Shylla, General Secretary Shaniahlang Suchen lem bad kiwei de kiba bat ia ka kam bapher bapher ryngkat ki dkhot Executive Committee.
