Shillong, Nohprah 12: Ka National Highway Authority ka India, kala sdang ban pyntrei ia ka jingkieng Steel ha Shillong Byepass ha Dwar Ksuid ha Ri Bhoi District.
Ka jingsdang ia ka jingtrei ka long mynnin ka sngi Thohdieng da ka ot ia ki nar jingkieng kabarim bad kane ka dang bteng mynta ka sngi ruh bad la tih ruh ia ka khyndew ban pynshong ia kinar.
Haba u SP News Agency, u la leit sha kane ka jaka la iohi ba ka jingtrei kala iaid sha khmat haba ki nar ban shna ia kane ka jingkieng ruh kila poi ha katei ka jaka ryngkat ki nongtrei.
Da ka jingorpaid ka jingkieng dewbilat kaba don ha katei ka jaka ia kitrok bala kit bun palat la hap ban pyniaid na nongbah Shillong, tang ia ki kali ba kit stieng dang shah ba kin iaid na kane ka jingkieng kaba dang don mynta.
