Shillong, Nohprah 15: Mynta ka sngi u Commissioner bad Secretary ka tnad shangsuwari jong ka sorkar jylla u la pyntip ba ia ka jaka rung jaka mih kaba dei ha Umlong Ri Bhoi District kaba la buh ban plie la shai ka sngi la pynkynriah sha ka sngi nyngkong jong ka taiew ban wan kata 21/12/2020.
La ong ba kane ka jaka rung jaka mih kaba yn sa plie ha Umling ha katei ka sngi kan trei kam noh syndon naduh katei ka sngi ba yn sa plie ia kane ka jaka rung jaka mih, la pyntip u Commissioner Secretary ka tnad shangsuwari ka sorkar jylla.
Ka jingbuh sngi ban plie ia kane ka jaka kumba la pynbna da u myntri rangbah ka jylla kan long la shai ka sngi bad ka jingpynkhreh kala iaid sha khmat ba yn plie noh da u symbut myntri rangbah ka jylla u bah Prestone Tynsong hynrei mynta ka sngi la pynsangeh bad rah sha ka 21/12/2020.
