Shillong, Rymphang 06: Kumba ka paw ba ki ba niah ia ki kali Shillong Public Transport Service, mynta ka sngi ki khlem kamai shuh, wat la ka ophis jong ka Meghalaya Urban Development Authority kala dep ba ain da ka jingthoh ki dei ban sangeh bad lada don ba pynwit dei ban ai da ka FIR.
Haba u SP News Agency, u la ioh ban ia kren bad ki nongialam jong kiba niah ia ki kali SPTS ia kiba la tip paidbah ki kali saw, kila pynsngew ba kum kiba niah ia ki kali sorkar kim kwah ban ialeh pyrshah ia ka sorkar bad ki khlem rai ruh ban sangeh kamai.
U wei na ki nongniah ia ki kali bus saw, la ong ba kim kwah ban ialeh pyrshah ia ka sorkar, ki khlem ong ruh ba kin sangeh kamai, hynrei ki shu sngew salai ban kamai, ban ong ba kin sangeh kamai ka long ba bakla.
Kumba ka long mynta ka sngi ki kali saw kim shym lamih kamai laitnoh kito ki kali ba don duty ban leit buh bad leitshaw briew, kiba kamai kim shym don ba mih surok.
