Shillong, Rymphang 24: Ki riew rangbah jong ka thain Riwar Mihngi, ba kynthup ia U bah S Kharrymba na Nongtyngur, Bah BK Khongjirem, na Wahkhen, Bah RM Shabong na Umniuh Tmar, bah EK Khongngai, na Lapalang lem bad kiwei de ki la thoh sha U Bah Kyrmen Shylla, myntri Disaster Management, halor ka jingtuid noh ka khyndew sboh, na ka thain Riwar Mihngi sha Bangladesh.
Kitei ki riew rangbah, ki iathuh ba ka rep ka riang, ka la shah ktah jubor, ki tyllong um, ki la nang tyrkhong bad wat ki iing ki sem, ki la shong synjor, namar ka jingtuid noh jong ka khyndew man la u snem sha Bangladesh.
La ai jingmut ia ka sorkar jylla, ba lyngba ka skhim, kaba ki shim ram na ki Bank bar ri, ban pynlang um, ba kin pyn donkam ruh, ha kaba ker kynroh ia ki bri ki bsah, ki jaka puta, ban khanglad ia ka jingtuid ka khyndew sboh sha Bangladesh.
