Shillong, Lber 12: ki pulit jong ka East Khasi Hills ha dien bala ioh jingtip ba don ka kali ba mih na Tripura kaba kit kynja halor kane ka jingtip kila pynlong ia ka jingap ktem ha Mawryngkneng.
Ha kane ka jingpynap ktem kila talasi ia kawei ka kali kaba don ia u number AS 01 EK 2105 bad na kane ka kali la ioh ban kurup haduh 57 song u kynja bala song bha ia kaba la buhrieh hapoh kalikali bad na kawei pat ka kali kaba don ia u number AS 01 EL 8415 la ioh ban kurup 67 song u kynja.
Ki pulit kila iathuh ba la kurup ia kine ki song kynja ha ka jingdonlang ki sakhi, baroh u kynja bala ioh kurup u khia haduh 120.475 kilo. Na ka jingtohkit la iathuh ba u kynja bala kiti na Tripura mut ban pynhap ha Guwahati.
Haba iadei bad kane ki pulit kila kem saw ngut ki briew, ka kyrteng jong kiba la shah kem la tip kyrteng kum u Rajkumar Rai – 29 snem, U Jahidul Islam- 31 snem, u Hinilal Ray – 30 snem bad u Lakshan Kumar Singh-43 snem. Haba ia dei bad kane la register ejahar ha Mawryngkneng police station.
