Shillong, Lber 26: U bah Teiborlang Pathaw EM ba dei peit ia ki jingtei jong ka KHADC mynta ka sngi u la iathuh ba ka PWD kala ai jingbit ia ka KHADC ba kan shna ia ka surok na Mawlai Umjaiur sha jingkieng kalong.
Haba kren ha ki lat pathai khubor u bah Pathaw u la ong ba ka PWD kala ai jingbit ia ka KHADC ban shna ia tei ka surok ban leit sha jaka jongka KHADC ha jingkieng Kalong bad ka jingiakren bad ka tnad pynroi sor ka dang iaid namar ka don ma Marten namar ka surok ka hap ban iaid lyngba na katei ka jaka.
Ka jingshna jong ka KHADC ia ki iing basa ha katei ka jingkieng Kalong ka long ban pynmih pisa ia ka KHADC bad kane ka jaka ka long kaba itynnad ban leit kai suwari sha katei ka jaka bad ki jingtrei mynta kila dep kumba 80%.
Haba ia dei bad ka jingpyniaid ia kane ka jaka na ka liang jong ka KHADC kan shna pyndep shuwa bad ynda la dep ban shna kin sa ia pyrkhat kumno ban leh ia kane ka jaka, hynrei la shai ba ka KHADC kan nym pyniaid kan ai wai kuba leh ka sorkar jylla ia ki jaka jngohkai pyrthei.
Ka jinglut baroh na duh ba la sdang ha u 2017 haduh ban da dep baroh kan poi sha ka T.14 klur, ha kaba ia dei bad ka jingmang pisa kan nym don jingeh ban pyndep ia kane ka jingtrei kaba dei hapoh jong ka jaka jong ka KHADC kaba heh haduh 18 akar.
Haba ia dei bad ka jingiasoi soskular ha pdeng ka UKJADC bad ka sorkar Assam ha ka por ba shna ia dan ha kito ki snem mynshuwa mynta na ka liang ong ka KHADC ka dang pan ia ki kot kisla na ka MeSEB kaba la dei mynta ka MeECL ban ialap ia ka jingshisha.
