Shillong, Jymmang 12: Mynta ka sngi ka JSU Raliang Unit ryngkat bad ka JSU – Laskeiñ Block Circle ki la kynnoh ba kala don ka jingtrei torti jong ka Department PWD Shangpung North Division ia ka Surok shnong kaba hap hapoh ki dong ki shnat jong ka Shnong Raliang.
Na ka liang ka seng JSU kim lah satia ban leit ban peit hi da lajong ki khmat ia kine ki jingtrei jong ka PWD,bunsien ki lah ia kynduh ia kiba dei ban peit ia kane ka kam hynrei kam seisoh namar ki heh tang ka kular.
Ka JSU ka kynnoh ruh kiba dei ban peit ia kane ka kam kim juh leit peit ia ka rukom trei jong ki kontaktor ki ba trei ia kane ka kam bad ki nongshong shnong ruh ki lah dep ujor lah bun bun sien.
Na ka liang jong ka JSU ka kyntu jur ia ka PWD Department ba ki dei ban shim khia iakane ka kam.Ngi kyntu ruh ia ka PWD Department ba ka dei ban phah noh da ki wei ki nongpeit ia kane kam lada ki ba don mynta kim sngap ia ka jingud jong u paidbah nongshong shnong jong ka shnong Raliang.
Ia u surok ba lah dep trei ruh tang shibnai pat don u lah sniew bad lah jot biang ,ka JSU bad ki nongialam shnong ngi lah lap ia ka jingtrei torti jong ki kontraktor ba hapdeng u slap bajur bha ruh ki dang ia pyntrei nalor ba iaka nala surok ruh kim ia shna bha.
Na ka liang ka JSU bad ki nongialam shnong ngi la pynsangeh noh mardor ia kane ka jingtrei torti jongki namar ba ka rukom trei jongki kam i hun satia.Ngi kum ka seng ngim ban se shuh ban leh noh da ka RTI ia kane ka kam namar u EE ka North Division um pynsngap satia ia ka jingujor ka seng bad ka shnong.
Wat ka Surok ka ba la sdang naduh ka SBI bank Raliang ha duh ka shnong Mookyndeng ,Nongkynrih ki khlem pat sdang satia ha duh mynta wat haba kaba ka order ban pynshna ka lah don naduh ki por election,ka lah pynlyng ngoh shisha ia u paid nongshong shnong ha ka ba ia dei bad kane.
