Shillong, Jymmang 16: U myntri rangbah ka jylla u Conrad K Sangma u leit ban jngoh Ia ka jingpyntrei Ia ka Oxygen generation plant ba 270 Litres ka ba lah ban pynmih hapoh ka siminit Ia kaba ynsa pyntreikam noh hapoh 24 kynta ha Civil Hospital Shillong.
Ka jingpyntrei Ia kine ki kor pynmih Oxygen ha Civil Hospital Shillong la lah ban pyndep haduh 98% haduh mynta ka sngi bad yn sdang pyntrei kam noh hapoh ka 24 kynta, la kren skhem u myntri rangbah ka jylla bad Kane kan iarap haduh 25 jingthiah ha ka juh ka por.
Ha Kane ka jingleit jngoh u myntri rangbah Ia ka Civil Hospital Shillong u la pynlong ruh Ia ka jingialang bad ki Doktor Kane ka hospital bad na ka liang u myntri rangbah u la aisa khublei ia ki doktor bad ki nurse kiba la trei shitom ha Kane ka jingiakhun pyrshah ia ka khlam COVID-19 ha ka jylla.
Ban iada na ka jingsaphriang Kane ka khlam COVID-19 la pynjari ia ka khangdam ha baroh kawei ka East Khasi Hills District bad kiba shitom baroh ha ka jylla ki long 4534 ngut.
U myntri rangbah u la iathuh ba ha baroh ki District la buh Ia ki ja ka ba kyrpang ban sumar Ia kiba shitom, la ong u myntri rangbah mynta ka sngi.
