Shillong, Jylliew 01: Ka HYC Riwar Mihngi Circle lyngba u kyrwoh na u Samla Edmund K. Khongngai President ka seng, ka la byrngem ba kan leit ban khang tala iaka Ophis jong ka State Bank of India ka ba don ha ka Shnong Pomshutia lada ka jingtreikam jong kane ka Bank ka long kumba ka long mynta.
Ka seng ka la lap ba hynne ka sngi 01/06/2021 ka la lap ba watla hapdeng ka jingbun jong ki briew ba mut ban wan donkam ban sei bad Thep Pisa hynrei la lap Pynban ba ki ki kor computer kim treikam satia bad ym dei tang mynin ka sngi hynrei ha kiwei ki sngi kiba kane ka bank ka plie.
Ym tang katta wat ka kor ATM ruh kam treikam la shi bnai mynta kum ka jinglap bad ka jingioh ujor naki paitbah nongshong shnong ba kane ka kor ATM ka ba don ha syndah bad kane ka branch kam treikam naduh ba don ka Lock down.
Une u nongialam u la ong ruh ba u la ioh iakren lyngba ka telephone bad ki nongtrei jong kane ka state bank ka ba don ha Pomshutia haba ma ki ruh ki la ong ba ka don shisha ka jingdkoh ha ka rukom treikam namar ba ki machine ki juh pynthut bad ki hap ban pyntip sha kiba halor.
Naka liang ka seng, ka dawa naki bor ba dei khmih bad kumjuh iaki bor District ban tuklar mardor halor kine ki jingduna hapoh kane ka Bank kiba la buh jingeh iaki paitbah jong kane ka thain border khamtam ha kumne ka ka jingdon ka lockdown bad ka jingplie ia ki bank ka long kat kum ka jingbtah ka sorkar.
Ka seng ka la maham ruh ba ki nongtrei ba don ha kane ka Bank ki dei ban trei hok bad wan tista haka bank. Ban pynsted haki rukom treikam bad ban pynbiang bad weng ia baroh ki jingduna lem kumta ka Seng kan leit ban khang tala syndon ia kane ka Bank lada kam lah ban ai iaka jingshakri kumba la khmih lynti daki paitbah, kane ka long katkum ka kyrwoh kaba la phah da u samla Edmund K Khongngai HYC Riwar Mihngi.
